مچ آ ملک اٹی 24گھنٹہ ٹی 6845 کورونا ٹیسٹ کننگا، قومی ادارہ جان جوڑی

اسلام آباد۔ 01 نومبر (اے پی پی) مچ آ ملک اٹی تدوک آ 24 گھنٹہ ٹی 6 ہزار 845 کورونا ٹیسٹ کننگا۔ سے شنبےنادے آنیشنل انسٹی ٹیوٹ آف ہیلتھ انا کنڈآن جاری حساب وکتاب نا رداٹ تدوک آ 24 گھنٹہ ٹی 6 ہزار 845 بندغ آتیان 27 بندغ آتا کورونا ٹیسٹ مثبت بسنے۔ ہنداوڑ دا مد اٹی مثبت کورونا ٹیسٹ انا کچ 0.39درسد ئسک۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 52 ناجوڑآتا حالیت نازرک ءِ۔ داکان بیدس 5 آن 11 سال انا وئی نا غٹ چناتے کورونا ویکسین نا ارٹ میکو خور خلنگ نا بنا31 اکتوبر آن کننگانے ہراکہ 5 نومبرا سکان برجاسلک، ہنداخاطرآن ہمو غٹ چناک ہرافتے کورونا ویکسین نا اولیکو خور خلنگانے ا و ارٹ میکو خور عارضی ویکسی نیشن سینٹر، اسکول و سرکاری جان جوڑی ہند آن خلفنگ کیرہ۔