اسلام آباد۔ 01 نومبر (اے پی پی) وزیراعظم محمد شہباز شریف پارینے کہ اسہ ہندن ءُ وخت اسے ٹی ہراتم دنیا ءِ کیہی چیلنج مون تروک ءِ، پاکستان و چین سنگت و شریدار نا وڑاٹ اسہ ایلو تون سلوک ءُ، دورہ ءِ چین اٹی چینی سرکڑدہ غاتون سی پیک ءِ سوگوی تننگ نا بابت گپ وتران مریک۔ سے شنبے نادے آ تینا ٹویٹ اٹی وزیراعظم پارے کہ او اینو دورہ ءِ چین آ ہِننگ اٹی ءِ۔ اوپارے کہ کنکن دا شرفمندی نا ہیت اسے کہ ای ہمو منہ اولیکو راہشون تیٹی اوار اُٹ ہرافتے چین نا حکمران جماعت کمیونسٹ پارٹی آف چائنا نا 20 می تاریخی نیشنل کانگریس آن پد چین نا دورہ نا سلہ خلنگانے۔ وزیراعظم پارے کہ اسہ ہندن ءُ وخت اسے ٹی ہراتم دنیا ءِ کیہی ویل مون تروک ءِ، پاکستان و چین سنگت و شریدار نا وڑاٹ اسہ ایلو تون سلوک ءُ۔ اوپارے کہ دورہ ٹی چینی سرکڑدہ غاتون گپ وتران اٹی ایلو گڑاتتون اوار اوار چین پاکستان اقتصادی راہداری ڈٹ ءِ سوگوی تننگ آ خصوصی چکار کننگک۔ سی پیک نا ارٹ میکو ریسہ ننا مخلوق نا راجی۔ زرگزرانی شونداری کن پوسکن آ دور انا بنامریک۔ اوپارے کہ چینی زرگزرانی سرسہبی تیان بھاز ہیل کننگ مریک۔
