اسلام آباد۔31اکتوبر (اے پی پی): مزن وزیر محمد شہباز شریف ءَ دھکان آنی واستہ پاکستان ءِ تاریخ ءِ درستاں چہ مستریں راجی کشت ءُ کشاری پیکیج ءِ جار جنگ بوت ایشی ءَ چہ دھکان آناں گوستگیں سال ءِ مقابلہ ءَ 400 ارب کلدار ءَ چہ گیش وام دیگ بیت۔ پاکستان ءِ معاشی دیمروئی کشت ءُکشار ءِ دیمروئی ءِ سر ءَ انت۔ ایشی ءِ واستہ دھکان آنی جیڈھ آنی گوایری المی انت۔ دو شمبے ءَ مزن وزیر کارگس ءِ بنجاھی وزیر اسحاق ڈار، طارق بشیر چیمہ ءُ ایندگر آنی ھمبراھی ءَ گشتانک دیان ءَ مزن وزیر ءَ گوشت کہ سیلاپ ءَ چہ 40 لکھ ایکڑ ءِ کشار تباہ بوتگ انت، بنجاھ ءَ 70 ارب کلدار ءِ بے نظیر انکم سپورٹ پروگرام ءُ 18 ارب کلدار این ڈی ایم اے وسیلگ ءَ بھر ءُ بانگ کتگ۔ دھکان آناں 1800 ارب کلدار ءِ وام دیگ بیت ایش گوستگیں سال ءِ مقابلہ ءَ 400 ارب کلدار ءَ چہ گیش انت، کسانیں دھکان آناں وام آنی تہءَ ریلیف ءِ واستہ 10 ارب 60 کروڑ کلدار گیشینگ بوتگ۔ آماچیں دمگ آنی تہ ءَ کسانیں صوبگ آناں صوبائی حکومت ءِ گوما یکجائی ءَ 8 ارب 60 کروڑ کلدار پجاری کنگ بیت، کوچگی دمگ آنی تہ ءَ بے روزگار ورنا آناں وام پروگرام ءَ ھوار کنگ بوتگ ایشیءِ واستہ ارب کلدار گیشینگ بوتگ، ایشی ءِ پد ءَ ارب 40 کروڑ کلدار ءِ سبسڈی دیگ بیت۔ آئیءَ گوشت کہ ڈی اے پی ءِ کشت ءُ کشاری پیداوار ءَ را ودینگءَ کلیتی کرد ات۔ حکومت ءَ منی زاتی واھشت ءِ پد ءَ 2500 کلدار یک گونی قیمت کم کنائینتگ۔ ایشی ءَ چہ دھکان آناں 58 ارب کلدار ءِ سیت رس ائیت۔ نوں 11 ہزار 250 کلدار ءَ گونی دستیاب بیت ایش 14 ہار کلدار ءِ کساس بوتگ۔ ھما وزیر ءُ اپسرگ آں اے زر کم کنائینتگ انت آواناں توسیپ ءُ ستا پیش کنگ بیت۔ مزن وزیر ءَ گوشت کہ سیلاپ ءَ چہ آماچیں دمگ آنی واستہ 12 لکھ سرٹیفائیڈ بیجز ءِ واستہ 13 ارب کلدار گیشینگ بوتگ ایشی ءِ تہ ءَ بنجاھی ءُ صوبے 50،50 درسد بھر مان کن انت، سیلاپ ءِ آماچیں دمگ آنی واستہ بے سُت ءَ 5 ارب کلدار ءِ وام سبسڈی ءِ سر ءَ دیگ بیت۔ پی آئی یو 4 ہزار ءَ چہ گیش ودینان ءَ 10 ہزار ءَ تاں کنگ بوتگ ایشی ءِ بنیات ءَ نوں دھکان گیش وام زرت کناں، ایس ایم ایز معیشت ءِ سرین ءِ ہڈ بنت۔
