اسلام آباد۔ 31 اکتوبر (اے پی پی) وزیراعظم محمد شہباز شریف اینو(دوشنبےنادے) آ بھلا بزغر پیکج نا پڑو ءِ کیک۔ وزیراعظم آفس نا میڈیا ونگ آن جاری بیان نا رداٹ وزیراعظم نوکاپ زہمی علاقہ غاتیٹی کشت وکشار و بزغر آتا روزگار نا بحالی کن خصوصی پیکج اس تیار کرفے۔ وزیراعظم نا پارت آ وزارت فوڈ سیکورٹی و خزانہ نا سلابت اٹ بزغر پیکج ءِ تیار کننگا۔ بزغرآتیکن خولم نا بج انا مفت فراوانی نا بھلا پروگرام نا ہم بناءِ کننگ نا پڑو مریک۔ کھد(ڈی اے پی) نا نہاد اٹی کمتی و یوریا نا وافر کچ اٹی ملک اٹی دوئی کننگ نا گا م گیج آتا پڑو ہم پیکج اٹی اوار ءِ۔ ٹیوب ویل آتے شمسی توانائی اٹ چلیفنگ نا بھلا پروگرام نا بنا، بجلی بل آتیٹی قسط ہم پیکج نا بشخ اسے۔ نوکاپ زہمی علاقہ غاتیٹی بزغر و بے ڈغار ہاری تیکن کشاری و بے سود وام تا فراوانی نا پڑو ہم مریک۔ ٹیکٹر آتا درآمد و کشاری مشینری آ خصوصی رعایتی گام گیج آتا پڑو مریک۔ وزیراعظم نوکاپ نا حالیت آتا رداٹ صوبہ غاتا ودکی گرج آتے پورو کننگ کن خولم نا درآمد نا بابت ہم خصوصی پڑو کیک۔
