اسلام آباد۔ 31 اکتوبر (اے پی پی) بنجائی وزیر توانائی انجینئر خرم دستگیر لالیاں ٹی 132/220کے وی گریڈ اسٹیشن نا بناءِ کرینے۔ دا پوسکن آ ڈٹ آن سرگودہا و فیصل آباد ڈویژن نا صارف آتے پورو وولٹیج ملک و روزگار نا پوسکن ءُ وارخواہی فراوان مریک۔ دوشنبےنادے آ بنائی دود آن تران کرسا بنجائی وزیر پارے کہ پھساتیک 4 سال سی پیک ءِ توریر، داسہ شہباز شریف پوسکن آ جوزہ اتون اودے مون آ دیک۔ اوپارے کہ نواز شریف سی پیک ءِ اتسا شونداری نا بنداو ءِتخا، نواز شریف و شہباز شریف نا مشن ءِ کہ دا مش ءِ جوڑ کروئی ءِ، پاکستان ءِ دُوارہ شونداری نا موٹروے آ شاغنگ نا چیلنج مون تروک ءِ۔ اوپارے کہ چارسال شونداری دشمن ٹولی دا ملک آ مسلط ئسک ہراڑان ملک انا شونداری سلیس۔
