اسلام آباد۔ 31 اکتوبر (اے پی پی) بنجائی وزیر ڈٹ بندی ، شونداری ، اصلاحات و خصوصی گام گیج احسن اقبال پارینے کہ حکومت ایم ایل۔ 1 و کراچی سرکلر ریلوائی ڈٹ آتا بناءِ کننگ کن سنبرینگوک ءِ، ایم ایل ون آن پاکستان و چین ہڑتوم آ ملک آتا زرگزران آ بھلو اقتصادی اثراس تمک۔ داخیال آتا درشانی ءِ او پاکستان اٹی چین نا سفیر نونگ رونگ تون گپ وتران کرسا کرے ہرا دوشنبےنادے آ داڑے اوڑتون اوڑدہی کرے۔ اوڑدہی ٹی چین پاکستان اقتصادی راہداری (سی پیک) نا ڈٹ آتیا گپ وتران کننگا۔ اوڑدہی ٹی سی پیک نا رداٹ برجا ڈٹ آتیا گپ وتران کننگا ہراکہ وزیراعظم شہباز شریف نا ساڑی آ دورہ چین اٹی پیش کننگک و دا ڈٹ آتیا ایم او یو ایس آ دستخط مریک داوخت آ بنجائی وزیر سی پیک نا چندی ڈٹ آتا اہمیت آ زور شاغا و داہیت انا درشانی ءِ کرے کہ حکومت دا ڈٹ خاص وڑاٹ ایم ایل۔ ون و کراچی سرکلر ریلوائی (کے سی آر) ڈٹ آتا بناءِ کننگ کن سنبرینگوک ءِ۔ بنجائی وزیر (ایم ایل ۔1) و کے سی آر ڈٹ آتا اہمیت ءِ مون آ تخا ہرااسہ ’اسٹریٹجک پروجیکٹ ‘ اس تکنگرہ۔ بنجائی وزیر پارے کہ دا چرجوئی ٹی غٹ کاریم و کارروائی تے پورو کننگانے ہرافتے ٹی سینٹرل ڈویلپمنٹ ورکنگ پارٹی ڈبلیو پی نا منظوری ہم اوار ءِ۔ بنجائی وزیر پارے کہ ایم ایل ون آن پاکستان و چین ہڑتوم آ ملک آتا زرگزران آ بھلو اقتصادی اثراس تمک۔ وزیر چندی بشخ دُن کہ توانائی، انفارمیشن ٹیکنالوجی، کشت وکشار، دودوربیدگی و ایلو کیہی ڈٹ آتا اہمیت آ ہم زور شاغا ہراکہ یکم نومبر آ وزیراعظم نا دورہ چین اٹی ہرفنگرہ و چندی ڈٹ آتیا ایم او یو ایس دستخط مریک۔ چینی سفیر حکومت خاص وڑاٹ وزیر ڈٹ بندی و شونداری و خصوصی گام گیج نا کوشست آتا ستاءِ کرے و تینا پورو کمکاری نا باور کرفے۔
