لاہور۔ 31اکتوبر (اے پی پی) لاہور ہائی کورٹ عمران خان نا توشہ خانہ کیس اٹی نابودی نا فیصلہ نا برخلاف درخواست آ بنجائی حکومت و الیکشن کمیشن ءِ نوٹس جاری کرسا 11 نومبر آ ورندی بٹنگا ۔ لاہور ہائی کورٹ نا جسٹس ساجد محمود سیٹھی حلقہ 95 میانوالی آن ووٹر جابر علی نا درخواست آ بنائی سماعت کرے ہراٹی الیکشن کمیشن نا دائرہ اختیار ءِ چیلنج کننگانے۔ سماعت اٹی بنجائی حکومت نا وکیل درخواست نا قابل سماعت مننگ آ اعتراض ہرفے۔ عدالت درخواست آ کمکاری کن اٹارنی جنرل پاکستان ءِ ہم نوٹس جاری کرے۔ درخواست آ مستی سماعت 11 نومبر آ مریک۔
