لاہور۔ 31 اکتوبر (اے پی پی) بنجائی وزیر تخفیف غربت و راجی رکھ شازیہ مری دوشنبےنادے ا چھرہ لاہور اٹی ایماندار صحافی صدف نعیم نا اُراغا سرمس، و ایماندار نا اَرے نعیم احمد تون ہڑزخواہی کرے۔ اوداوخت آ دعاپاتیا کرے و ایماندار نا درجہ غاتا بڑزی کن دعا کرے۔ فیصل میر و نایاب جان ئسک ہم اوڑتون اوار ئسر۔ بنجائی وزیر ایماندار صدف نعیم نا چناتتون ملا، اونا باوہ و ایلو خاہوت نا باسک آتون ہم ہڑزخواہی کرے۔ داوخت آ میڈیا تون گپ وتران کرسا اوپارے کہ سیاسی پارٹیک داوڑنا کوریج آتیٹی صحافی سنگت آتا رکھ اکن ہم گام گیج کیر۔ اوپارے کہ صدف نعیم نا واقعہ غا بھاز است ہسونی مس، او اسہ بہادر ءُ رپورٹر اس ئسک، اللہ صدف نا اُراوالا تے صبر عطاکے۔ شازیہ مری نا پاننگ ئس کہ پولیٹیکل ریلی تیٹی میڈیا کوریج کن جتا ءُ وڑوڈول اس جوڑ کننگے، داوڑنا حالیت آتیٹی صحافی تے رکھ تننگ نا گرج ءِ۔ شازیہ مری خواست کرے کہ دا واقعہ نا پورو جاست وپاست مننگ المی ءِ۔
