گوادر  شہر  ءَ  ھوار   سرجمیں   ضلع  ءَ اربانی  کلدار  ءِ  دیمروئی منصوبگ  آنی سر ءَ  کار    ءِ بنگیج  کنگ بوتگ، میر حمل  کلمتی

کوئٹہ۔30اکتوبر  (اے پی پی):بلوچستان نیشنل پارٹی   ءِ  صوبائی اسمبلی    ءِ  باسک  میر حمل  کلمتی  ءَ گوشت کہ  بنجاھی   حکومت   ءِ کمک ءَ چہ  گوادر  اولڈ سٹی  ءِ    برجائی  ءِ  واستہ  3.3  ارب کلدار  ءِ منصوبگ   آنی سر ءَ کار  جاڑی انت،  مکران  ڈویژن   ءَ توان  ءِ  نظام   ءَ را گہتر  جوڑ  کنگ ءِ  واستہ ایران  ءَ  گیش  توان   ءِ پجاری  ءِ منوگری  ءِ سر ءَ دست چنگل    جنگ بوتگ۔  گوادر  ءِ دیمروئی  منصوبگ  آناں  ھوار  کنگ  ءِ    واستہ مزن وزیر   پاکستان  شہباز شریف  ءُ  سر وزیر     بلوچستان  میر عبدالقدوس    ءِ شگر  ءُ منت واری   ءَ گراں،  صوبائی   پی ایس  ڈی پی  ءَ گوادر  شہر  ءَ ھوار  سرجمیں ضلع   ءَ اربانی کلدار  ءِ  دیمروئی منصوبگ  آنی سر  ءَ  کار  بندات  بوتگ  ءُ   گوادر   ءِ دیمروئی    حکومت   ءِ اولی  کار آنی  تہ ءَ ھوار ا  نت۔  یک شمبے  ءِ روچ ءَ  وتی   بیان ءَ بلوچستان   نیشنل    پارٹی  ءِ باسک  میر حمل کلمتی  ءَگوشت  کہ   سرجمیں ضلع  ءَ  توامیں تحصیل   ءُ یوسیز   آنی  تہ   ءَ  بلیک  ٹاپ  روڈ   ءِ جوڑیشت  ءِ واستہ  الکاپیں   زر   پی  ایس  ڈی   پی ءَ ھوار  انت۔