پاکستان  چین ءِ گوما تجارتی  ءُ سرمایہ کاری  یکوئی  ءَ را  چین  پاکستان  آزاتی ءَ گوں تجارت  ءِ  منوگری ءِ  دومی  فیز  ءِ چیر دستی ءَ  شاھیگانی دیگ لوٹ ائیت،  مزن وزیر  محمد  شہباز شریف  ءِ  چینی  اھوالتاک   گلوبل  ٹائمز   ءِ آرٹیکل

اسلام آباد۔30اکتوبر  (اے پی پی):مزن وزیر  محمد  شہباز شریف  ءَ گوشت کہ  پاکستان  چین  ءِگو ا تجارتی  ءُ سرمایہ   کاری   یکوئی آناں  چین پاکستان    آزاتی  ءَ گوں تجارت  ءِ  منوگری    ءِ دومی  فیز  ءِ چیر دستی  ءَ  شاھیگانی  دیگ  لوٹ  ائیت تانکہ  صنعتی   یکوئی آنی  تہ ءَ گہتری  بہ ائیت،  ما وتی  ھمساھگیں  ملک آنی گوما     وت مہ وتی شر ءُ   کمکی  جوزگ  آنی  بنیات   ءَ دوستی    ءُ  یکوئی  ءِ   واھشت  ائیت  آں،   یونائیٹڈ نیشن   ءِ چارٹر   ءِ چیر دستی  ءَ  کمشیر  ءِ  جیڈھ  ءَ ھوار  توامیں     جیڈھ  آناں  گیواری  ءِ واستہ  سول ءُ تران  ءُ سفارتکاری ءِ وسیلگ ءَ ایمنی  ءَ گوں  گیواری لوٹ ائیت۔   پاکستان  یک مھکمیں،   شاھیگانیں  ءُ  ٹوھیں اقتصادی  دیمروئی ءِ کشک ءَ رھادگ  انت،    پاکستان  چینی  کمپنی   آناں  صنعت ، کشت  ءُ  کشار،  انفراسٹرکچر،  گرین  انرجی  ءُ ڈیجیٹل  معیشت  ء، شوبگ    ءَ  شرکایہ کری  ءِ جوانیں موہ  پجاری   کنت۔  پاکستان  ءَ کار  کنوکیں  چینی   ءُ    آوانی  منصوبگ  آنی رکھینگ  مئے اولی   کار  انت۔  پاکستان  ءُچین  وتی  الس  ءِ    روژنائیں  باندات   ءِ گوما  پڑ  ءَ  ایمنی   ءُ برجائی  ءِ واستہ  تاریخ  ءِ نیمگ ءَ  استیں زمہ  واری  آناں  پیلو  کنگ ءِ واستہ جزمیگ  انت۔  اے  تران  چینی اھوالتاک  گلوبل تائمز  ءَ وتی   نبشتہ کتگیں یک آرٹیکلے   ءَ   کت انت۔