شیری  رحمان  موسمی مٹ  ءُ بدلی ایجنڈا  جوڑ کنوکیں  ملک  آنی  9 میاں اوستمانی سروک  آں لڑ ءَ  برز تر  انت

اسلام آباد۔29اکتوبر  (اے پی پی): بنجاھی وزیر   موسمی مٹ  ءُ بدلی   سینیٹر  شیری  رحمان   ءَ را کانفرنس   آف پارٹیز  (کوپ-27)  ءِ سروکی  دیوان ءَ موسمی  مٹ  ءُ  بدلی ایجنڈا  جوڑ کنوکیں  9 میاں اوستمانی سروک  آنی لڑ ءَ  برزتر   بوتگ۔  موسمی مٹ  ءُ بدلی    ءِ ھوالگ ءَ   اھوالکاری  ءِ ر د ءَ کار کنوکیں  میاں  اوستمانی   اھوالکاری   گل  کلائمٹ  ہوم  نیوز  ءِ  نیمگ ءَ جاڑی بوتگیں    یک بیانے  ءِ رد ءَ گوشگ  بوتگ کہ اے  9  میاں  اوستمانی    شاہوکار   مصر ءَ    برجم بوھوکیں  یونائیٹڈ نیشن  ءِ فریم  ورک  کنونشن  آن  کلائمٹ  چیج   ءِ چیر  دستی ءَ   پارٹی   آنی  27    بیست ءُ ھپتمی کانفرنس   کوپ – 27  ایجنڈا   جوڑ    کنگ بنت  ایش موسمی  سروکی  دیوان ءَ    دلگوشی بنجاہ  بیت۔  موسمی  مٹ  ءُ بدلی ہوم  نیوز  ءِ رد ءَ درستاں  چہ پیسر  بنجاھی وزیر شیری  رحمان  دگنیا ءَ را سیلاپ  ءِ  تاوان،   تباہ کاری  ءُ  جیڈھ آنی   بابت  ءَ    سرپد کنت۔  کلائمیٹ  جرنلزم  فورم  ءَ اے گپ ءِ سر ءَ زور  پر دات  کہ بنجاھی وزیر موسمی فنڈ  آنی نوکیں  رچ  ءَ را  دیم  ءَ جنزینگ ءَ وتی کرد ءَ پیلو بکن انت۔