اسلام آباد۔28اکتوبر (اے پی پی): مزن وزیر محمد شہباز شریف ءَ گوشت کہ مارا ملک ءِ گہتری ءِ واستہ یکجائیءَ کار کنگ لوٹ ائیت ناتو آیوکیں باھند مارا ماپ نہ کناں،ملک ءَ چہ ناشرکاری ءِ ھلاسی ءِ واستہ پولیس ءَ ھوار ایندگر کانود ءَ را مھکم داروکیں ادارگ آنی کرد لائک ءِ توسیپی انت۔ آوانی قربانی آناں مپت ءَ یلو کنگ نہ بیت، ملک ءِ دیمروئی ءِ واستہ زھگ آناں نوکیں ٹیکنالوجی ءَ گوں ھمدپت کنگ المی انت۔ چینءُ سعودی عرب مئے کوھنیں دوست انت ءُ آوانی ھمک سکیںساھت ءَ مارا ھمبراہ داری کنگی انت۔ اے ھیالانی درشانی آئی ءَ آدینگءِروچ ءَ پولیس سروس آف پاکستان ءِ 48 چیلءُ ھشتمی ایس ٹی پی بیج ءِپاسنگ آوٹ پریڈ ءَ گوں گشتانک دیان ءَ کت۔ مزن وزیر پاسنگ پریڈ ءَکامیات بوھوکیں پولیس کارندہ آناں مبارک بات دات۔ آئیءَ ورنا آناں میرٹ ءِ سر ءَ کامیات بوتگ انت ءُ آواناں انعام دیگ بوتگ۔ مات ءُ پت آناں جوانیں کار رپک ءَ چہ آوانی وانگ ءُ زانگ ءُ ھیل کاری کتگ وھدیکہ نیشنل اکیڈمی ءَ پروفیشنل کیریئر ءِ واستہ آوانی جوانیں ھیل کاری پجاری کنگ بوتگ۔ آئیءَگوشت کہ کامیاتی در جنوکیں آنی تہءَ سرجمیں پاکستان ءَ ورنا ئیں بچکءُ جنک ھوار انت۔ آئی ءَ گوشتکہ راج جنکیں زھگ آنی زندمان ءِ ھمک شوبگ ءَ را دیم ءَ جنزگ ءَ انت۔ آ ملک ءِ وشھالی، دیمروئی، بینکنگ، پولیسءَ ھوار ایندگر شوبگ آنی تہ ءَ ارزشتی ایں کرد پیلو کنگ ءَانت۔ ایشیءَ چہ سہرا بیت کہ پاکستان توامیں سکی آں ابید میاں اوستمانی دگنیا ءِ الس ءِ دیم ءَ بیگواہ کتگیں شرپ ءَ را در جنگ ءَ انت۔ آئی ءَ گوشت کہ اے ڈجی جواضۃ ایماندر پروفیشنل پولیس اپسر ات۔ فرض آنی پیلو کنگءِساھتءَبے کساس پولیس اپسرگ ءُ کارندہ غازی انت۔ آئیءَ مدا فرض شناسی ءَ سہرا بوتگ۔ آئیءَ گوشت کہ ملکءَ چہ ناشرکاریءِھلاسیءِ واستہ ٹوھیں قربانی داتگ۔ لس جاور آنی تہءَ جوانیں رنگ ءَ وتی ڈیوٹی پیلو کتگ۔ پولیس اپسرگ ءُ کارندہ آں الس ءِرکھینگ ءُ ایمنی ءِ برجائیءِ واتہ وتی جان آنی قربانی داتگ۔ آوانی قربانی مپت ءَ نہ رونت۔ آئیءَ گوشت کہ پولیس ءُ ایندگر کانود ءَ مھکم داروکیں ادارگ آں یکجا بوھگ ءُ ناشرکاری ءِ مقابلہ ءَ بازیں قربانیداتگ۔ اے رنگءَاے نہ وشیں ءُسلیں ھوپءَ را ھلاس کتگ۔ آئیءَگوشتکہ پولیس اکیڈمی ءَ پرفیشنل رپک کسانوکیں وھدءُ پاسی ءُ دراج بریں کوسز آنی ھیل کاری دیگ بوھگ ءَ انت، پولیس اکیڈمی ءَ فرانزک لیبارٹیر بہ بیت۔ اسلام آباد ءَ سی ٹی ڈی سی ءِ ادارگ جوڑ بہ بیت گڈا چاریں صوبگ، آزات کشمیر ءُ گلگت بلتستان ءِ واستہ درورئی بہ بیت۔ نیشنل ولیس کیڈمی ءَ اے رنگیں پروگرام آنی سر ءَ کنگ کنگ بہ بیت۔ آئی ءَ گوشت کہ کمو آسراتی آں بید 3 کروڑ 30 لکھ سیلاپ ءِ آماچیں مردم آنی آسوگری ءُ نوک سر جوڑیشت ءِ واستہ گامگیج کنگ ءَ آں۔ آئی ءَ گوشت کہ تمبو، وردن ءُ وراک ءُ ورگی ساپیں آپ ءِ بندوبست کنگ بوھگ ءَ انت پدا ھم ایشی ءَ ابید ورنا آناں نوکیں زمانگ ءِ تکنیک ءِ وانگ ءُ زانگ ءُ ھیل کاری ءِ پجاری کنگ ھم المی انت۔ صوبگ آناں کجام ھم جیڈھ ءِ ھوالگ ءَ بنجاھ ءَ چہ سروکی در جنگ لوٹ ائیت۔ اسلام آباد بنجاھ ءِ چیدگ انت۔ پاکستان بے کساس کدرتی آسراتیءُ مڈی ءُ میراس ءَ چہ مالا مال اِنت۔ آئی ءَ گوشت کہ انوگ ءَ ھم وھد است انت کہ گوست ءِ تاوان آناں پیلو کنگ بہ بیت۔ آئٰءَ نیشنل پولیس اکیڈمی ءِ واستہ زمینءِ زوتاں زوت ٹرانسفر کنگ ءُ فیکلٹی ءُ مزور آنی پگار ءُ آسراتی ایندگر انسٹیٹیوٹ ءِ برابت ءَ کنگ ءِ پنت ءُ شون ھم کت۔ ایشی ءَ پیسر مزن وزیر ءَ را نیشنل پولیس اکیڈمی ءَ پجگ ءِ پد ءَ گارڈ آف آنر پیش کنگ بوت۔ مزن وزیرءَ پاسنگ آوٹ پریڈ ءِ ھم چار ءُ تپاسی گپت۔ مزن وزیر ءَ جوانیں کار کرد پیش داروکیں پولیس اپسرگ آناں داد بھر ءُ بانگ کت۔ مراگشءَ گوں کمانڈنٹ نیشنل پولیس اکیڈمی اے ڈی خواجہ ءَ ھم گشتانک دات۔ مراگش ءَ وزیر ءِ ھزانگ اسحاق ڈار، بنجاھی وزیر برائے بنی آدمی ھک ریاض حسین پیر زادہ، بنجاھی وزیر برائے منشیات ءِ گر ءُ داسر شاہ زین بگٹی ءَ ھوار ایندگر باسک پارلیمنٹ ءُ مزن تکی کارندہ آں بھر زوری کت۔
