اسلام آباد۔ 28 اکتوبر (اے پی پی) وزیراعظم نوکاپ زہمی تا بحالی کن تعلقدار ادارہ غاتے دوئی وسیلہ غاتے ہلہلہ ئی بنداو تیا کاریم اٹ اتنگ نا پارت کرینے۔ جمعہ نادے آ وزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف نوکاپ زہمی تا بحالی نا بابت جاچ دیوان نا کماشی ءِ کرے۔ وزیر ڈٹ بندی وزیراعظم ءِ نوکاپ زہمی تا پائیدار بحالی کن اقوام متحدہ (یواین) و ایشیائی شونداری بینک (اے ڈی بی) کون آ جہانی شونداری شریدار ادارہ غاتا کمک اٹ تیار کروک آ پوسٹ ڈیزاسٹرنیڈاسیسمنٹ(پی ڈی ایم اے) آ حوال تس۔ دیوان اٹی وزیر موسمیاتی بدلی شیری رحمان، وزیر خزانہ محمد اسحاق ڈار، وزیر ڈٹ بندی احسن اقبال، نیشنل کوآرڈنیٹر این ایف آر سی سی لیفٹیننٹ جنرل ظفر اقبال و ایڈیشنل سیکرٹری ندیم اسلم چوہدری ئسک بشخ ہلکر۔
