اسلام آباد۔ 28 اکتوبر (اے پی پی) وزیراعظم محمد شہباز شریف امریکی حکومت نا کنڈآن نوکاپ زہمی تیکن انسانی ہمدردی نا بنداو آ ودکی 30 ملین ڈالر نا پڑو نا ستاءِ کرسا پارینے کہ دنیا نوکاپ آن ودی مروک آ المیہ تون مون تننگ کن اقوام متحدہ نا امداد نا اپیل اٹ بایدے تینا بشخ ءِ شاغے۔ جمعہ نادے آ تینا ٹویٹ اٹی اوپارے کہ نوکاپ زہمی تیکن پین 30 ملین ڈالر نا انسانی امدا د نا پڑو آ امریکی حکومت نا منت وار اُن۔ اوپارے کہ یخ انا موسم نا بنامننگ تون خور، جان جوڑی و ہنکین نا چیلنج پدریسہ برقرار ءِ۔ نوکاپ آن ودی مروک آ المیہ نا اثرآتے کم کننگ کن دنیا دمدستی وڑاٹ اقوام متحدہ نا امداد نا اپیل اٹی بشخ شاغے۔
