اسلام آباد۔ 28 اکتوبر (اے پی پی) اینٹی نارکوٹکس فورس (اے این ایف) منشیات نا برخلاف کارروائی تا چرجوئی ءِ برجاتخسا تربت اٹی گاڈی اسے آن 22 کلو آئس دوئی کرسا دوبہ دار ءِ دزگیرکرے۔ اے این ایف ترجمان نا رداٹ آئس دروک آ تربت نا ہنکینی جعفر پنی ءُ دوبہ دار اسے دزگیر کننگا۔ لاہور و سیالکوٹ اٹی واقع نجی کوریئر آفس اٹی لندن کن بُک کروک آ پارسل آن ہیرون دوئی کننگا۔ ہڑتوم آ پارسل آتیان جم وڑاٹ 570 گرام و 360 گرام ہیرون دوئی مس۔ دوبہ دار نا برخلاف منشیات تور ایکٹ نا رداٹ مقدمہ درج کرسا جاست وپاست نا بناءِ کننگانے۔
