چمن۔ 28 اکتوبر (اے پی پی) چمن اٹی تدوک آ دے پولیو ٹیم آ دہشت گرد آتا جلہوآن پد مہم نا دُوارہ بناءِ کننگا۔ تدوک آ دے پولیو ٹیم آ سلوک سیکورٹی کارندہ حبیب الرحمان دہشت گرد جلہو اٹی شہید مسوسس اوکان پد ڈپٹی کمشنر چمن عبدالحمید زہری نا پرمان آ پولیو ٹیم تے پولیس و لیویز نا ودکی سیکورٹی تننگانے و اوڑتون اوار پولیس، ایف سی و کیوآر ایف چندی علاقہ غاتیٹی ہم بناءِ۔ پولیو نا غٹ ٹیم تے فل پروف سیکورٹی تننگانے۔ پولیو ورکرآتا برخلاف پشین چمن و ایلو شار تیٹی ساڑی ہی ٹی بدامنی نا واقعہ پیش بسوسس۔ چمن اٹی اسیجائی سیکورٹی پلان تیار کننگانے و سیکورٹی فورس آتے ہروڑنا حالیت آتون مون تننگ کن الرٹ کننگانے۔

متعلقہ مضامینمصنف کی طرف سے مزید