اسلام آباد۔27اکتوبر (اے پی پی):وزیر خارجہ بلاول بھٹو زرداری ءَ جموں کشمیر ءَ توامیں شہید آناں توسیپ ءُ سلام پیش کنان ءَ آئیءَگوشت کہ آئیءِ گس ءِ مردم ھم توسیپ ءُ ستائیگ انت۔ مقبوضہ کشمیر ءِ سر ءَ بھارت ءِ گیر کانودی آوار جنگ ءِ ھلاپ یوم ءِ سیاہ ءِ موہءَ وتی کلوہءَ آئی ءَ گوشت کہ مرچی بھارت ءِ گیر کانودی رنگ ءَ آھوار جنگ ءِ وھد ءَ را 75 سال سرجم بوتگ۔ 75 سال پیسر 27 اکتوبر 1947 ءَ را بھارت ءَ وتی فوج ءَ را زوراکی ءَ گوں مقبوضہ کشمیر ءَ ایر دات ءُ اے وھد ء۔ بھارت ءِ دمگ ءَ زوراکی ءُ گیر کانودی رنگ ءَ کبزہ جاڑی داشتگ۔ آئیءَ گوشت کہ ھپتاد سال ءَ چہ جموں کشمیر ءِ کشاں چیل زوراکی ءِ ھلاپ ءَ امیت ءِ گوما جنگ، ھوپءِ ھلاپ ءَ دلیری ءُ ظلم ءِ ھلاپ ءَ قربانی ءِ جنگ بوتگ۔ آئیءَ گوشت کہ مقبوضہ کشمیر ءَ آباتی آنی مٹ ءُ بدلی ءِ واستہ بھارت ءِ کوشست 5 اگست 2019 ءَ چہ ترندی ءَ گوں جاڑی انت وھد ءِ بھارت ءَ وتی کانودی ءِآرٹیکل 370 ءُ اے 35 ٰ؟ را رد کنگ بوتءُ مقبوضہ کشمیر ءِھاسیں بستار ءَ را ھلاس کنگ بوت۔ آئیءَ گوشت کہ پاکستان میاں اوستمانی برات آں گوں لوٹ کناں کہ آ بھارت ءَرا جوابدہ جوڑ کنگءِ واستہ پکوئیں گامگیج بکن اَنت۔ بھارتی حکومت ءَ 5 اگست 2019 ءِ یک نیمگی ءُ گیر کانودی گامگیج ءَ را واپس زورگ لوٹ ائیت۔
