بیجنگ۔27اکتوبر (اے پی پی):چین ءَ گوشت کہ کشمیر ءِ جیڈھ یونائیٹڈ نیشن ءِ چارٹر ءُ سلامتی کونسل ءِ منوگری ءُ سیادی داروکیں دو نیمگی منوگری آنی رد ءَ ایمنی ءَ گوں گیوار بہ بیت ءُ زور دیان ءَ گوشت کہ اےھوالگ ءَ اے رنگیں یک نیمگی گامگیج آں چہ دست کش بہ بئے ھما کہ جاورھال آناں گیش چپ ءُ چوٹ کن اَنت۔ چین ءِ وزارت ءِ درئی کار ءِ ترجمان ماوننگ ءَ پنچ شمبےءَ بیجنگ ءَ انٹر نیشنل پریس سنٹر ءَ ھمروچگیں پریس بریفنگ ءِ ساھت ءَ گوشتکہ کشمیر ءِ ھوالگ ءَ چین ءِ بن گپ سہرا ءُ یک چیک انت۔ کشمیر ءِ جیڈھ ءِ ھوالگ ءَ بھارت ءُ پاکستان ءِ نیامءَ کوھنیں جیڈھ ات ایش گیوار بہ بیت، ایشرا یونائیٹڈنیشن ءِ چارٹر، سلامتی کونسل ل ءِ سیادی داروکیں منوگری ءُ سیادی داروکیں دو نیمگی منوگری آنی رد ءَ ایمنیءِ کار رپک آناں گیوایر کنگ بہ بیت۔
