ترند رفتار اقتصادی شونداری کن بڑزکو تعلیم ءِ بھاز اہمیت تننگ نا گرج ءِ، صدر ڈاکٹر عارف علوی نا آئی سی ایم اے نا کانووکیشن آن تران

اسلام آباد۔ 27 اکتوبر (اے پی پی) صدر مملکت ڈاکٹر عارف علوی ملک انا ترند رفتار اقتصادی شونداری کن بڑزکو تعلیم ءِ بھاز اہمیت تننگ نا گرج آ زور شاغسا پارینے کہ پیدوار کانود نانفاذ، اوناسخت و انصاف اٹ نفاذ ءِ پک کننگ تون اوار انصاف نا فراوانی و خوداحتسابی ءِ مون آ دننگ آن وڈی خوری نا حوصلہ شکنی ءِ کننگ مریک۔ صدر مملکت داخیال آتا درشانی ءِ داڑے ایوان صدر اٹی انسٹی ٹیوٹ آف کاسٹ اینڈ مینجمنٹ اکاؤنٹنٹس (آئی سی ایم اے) نا باسک آتا کانووکیشن آن تران کرسا کرے۔ دود اٹی آئی سی ایم اے پاکستان نا صدر شہزاد احمد ملک و اکاؤنٹنگ اینڈ مالیاتی بشخ انا باسک و طالب علم آک بشخ ہلکر۔ صدر مملکت کسبی تعلیم نا اہمیت ءِ تالان کرسا پارے کہ ادارہ غاک مہارت آ تالان و کسبی تعلیم کن گچین گام گیج کیر۔ اوپارے کہ گریجویٹ ملک انا شونداری ٹی اہم ءُ کڑد اس ادا کننگ کیرہ اوپارے کہ پاکستان ءِ تربیت یافتہ انسانی وسیلہ و کسبی بندغ آتا گرج ءِہرافتے ٹی کاسٹ اینڈ مینجمنٹ اکاؤنٹنٹس ہم اوار ءُ۔ ڈاکٹر عارف علوی ادارہ غاتیا زور شاغا کہ او یونیورسٹی نا فارغ التحصیل طالب علم و کسبی بندغ آتا کچ اٹی ودکی کے۔ اوپارے کہ کسبی ادارہ غاک زیات آن زیات گریجویٹ ودی کیر انتئے کہ انڈسٹری و مارکیٹ ءِکسبکار بندغ آتا بھاز گرج ءِ۔