27 اکتوبر تہاردے، 1947 اٹی ہندادے آ بھارت جموں وکشمیر آ تینا زوراکی اٹ کوزہ کرے، وزیراعلیٰ گلگت بلتستان خالد خورشید

گلگت۔ 27 اکتوبر (اے پی پی) وزیراعلیٰ گلگت بلتستان خالد خورشید 27 اکتوبر تہاردے انا بابت جاری خصوصی کلہو اٹی پارے کہ 27 اکتوبر 1947 نا دے بھارت تینا فوج ءِ کشمیر آ گدریفسا جہانی کانود نا بدترین خلاف ورزی ءِ کرسا تینا جبری تسلط ءِ قائم کرے۔ اوپارے کہ وادی کشمیر آ ہفت دہائی آن غیرکانودی بھارتی کوزہ ءِ، اینونادے بھارت کشمیری تا بنداوی حق ءِ کُنگ، ہندوتوا نظرییہ نا پیروکار مودی حکومت مظلوم کشمیری ایڑھ و ایلم تیا ظلم انا زی آ ظلم کرینے۔ اوپارے کہ گلگت بلتستان نا الس تینا مظلوم کشمیری ایڑھ ایلم تتون سلوک ءُ، ڈیہہ ٹی آخبتی امن کن جہانی برادری اقوام متحدہ نا قرارداد آتیاعملدرآمد کرفنگ اٹ تینا کڑدءِ اداکے۔ اونا پاننگ ئسک کہ ہمودے مر اف ہراتم مظلوم کشمیری الس بھارت نا غاصبانہ کوزہ غان آجوئی دوئی کیرہ۔