کشمیر پاکستان نا شہ رگ ءِ، نن بحیثیت پاکستانی کشمیری الس تون سلوک اُن، ڈی سی لاہور

لاہور۔ 27 اکتوبر (اے پی پی) ڈپٹی کمشنر لاہور محمد علی پارینے کہ کشمیر پاکستان نا شہ رگ ءِ و نن بحیثیت پاکستانی کشمیری الس تون سلوک اُن۔ کشمیر تہاردے انا وخت آ جاری تینا بیان اسے ٹی ڈی سی لاہور پارے کہ 27 اکتوبر 1947 انسانی تاریخ نا اسہ تہار ءُ دے اسے ، دادے آ بھارت غیرکانودی وڑاٹ جہانی و انسانی اصول آتا خلاف ورزی ءِ کرسا کشمیر آ کوزہ کرے۔ اوپارے کہ کشمیری تیا بھلا ظلم آتیان پد ہم بھارت کشمیری تا عزم و حوصلہ ءِ پرغنگ اٹ بے سہب مس، کشمیری ایڑھ و ایلم تا قربانی تے نن سلام پیش کینہ۔ ڈی سی لاہور مستی پارے کہ کشمیری ایلمک اسہ موقع سے آ ہم بھارتی کوزہ ءِ امنا کتنو، بلکن اوفک جہد ءِ برجا تخنگ تینا عزم تکانو، ہمودے مر اف ہراتم کشمیر بھارتی کوزہ غان آجومریک۔