سعودی  ولی  عہد   ءُ مزن وزیر محمد بن سلمان  ءِ  مزن وزیر   شہباز شریف ءِ دزبندی ءِ پد  ءَ مسجد  نبوی ﷺ  ءَ جاک ءُ کوکار   کنوکیں  دزگیر بوتگیں پاکستانی آنی یلوئی ءِ حکم

ریاض۔26اکتوبر  (اے پی پی):سعودی عرب  ءِ  ولی عہد ءُ مزن وزیر محمد بن سلمان  ءَ مزن وزیر  شہبا ز شریف ءِ دزبندی ءِ پد ءَ مسجد  نبوی ﷺ  ءَ  جاک ءُ کوکار کنوکیں پاکستانی کیزی  آنی    یلو کنگ ءِ حکم  داتگ۔  مزن وزیر  کارگس ءِ میڈیا  ونگ ءِ  نیمگ ءَ جاڑی بوتگیں  بیان ءِ رد ءَ مزن وزیر شہباز شریف   ءَ سعودی ولی عہد ءَ گوں اپریل  2022  ءِ واکیہ  ءَ    گوں دز مانجنیں مردم آناں معاف  کنگ  ءُ   دزگیر بوتگیں  پاکستانی  آنی یلو کنگ ءِ دزبندی کتگ بوتگ۔  مدینہ منورہ  ءِ آمید  گس ءَ سئے  پاکستانی    آناں  8  سال ءُ  3 ءَ را  6  سال  کیز  ءِ سزا  داتگ بوتگ اَت۔   خواجہ لقمان ،  محمد افضل ،  غلام  محمد  ءَ را  8 سال ءُ  انس ،  ارشد  ءُ محمد سلیم  ءَ را  6  سال  کیز   ءِ سزا  دیگ بوتگ ات۔  یک  دگہ پاکستانی  طاہر  ملک ءَ را  ھم سئے سال  کیز  ءُ  10  ہزار  ریال  جرمانہ  کنگ بوتگ  اَت۔ نزب وزیر  ءِ  دزبندی ءِ پد ءَ  سعودی ولی  عہد    ءُ مزن وزیر   محمد بن سلمان ءَ سعودی  عرب ءَ کیزیں پاکستانی  آنی  یلوئی ءِ و استہ   ٹوھیں پیسلہ  کنان ءَ مسجد نبوی ﷺ ءَ  جاک ءُ کوکار  کنوکیں توامیں پاکستانی  آناں یلو  کنگ ءِ حکم داتگ  بوتگ۔  مزن وزیر    شہباز شریف    ءَ سعودی  ولی عہد    ء ِ  شگر ءُ منت  گران   ءَ گوشت کہ  اللہ پاک  ترا   اجر  ءَ   بدیات۔