بریس پروگرام نا رداٹ یک و نیم ارب ڈالر وام تا زر پاکستان ءِ دوئی مس، وزیر خزانہ

اسلام آباد۔ 26 اکتوبر (اے پی پی) بنجائی وزیر خزانہ و محصولات سینیٹر محمد اسحاق ڈار پارینے کہ ایشیائی شونداری بینک انا بریس پروگرام نا رداٹ پاکستان کن یک ونیم ارب ڈالر وام تا زر پاکستان ءِ دوئی مسنے۔ چارشنبےنادے آ  تینا اسہ ٹویٹ اسے ٹی وزیر خزانہ پارے کہ الحمداللہ ایشیائی شونداری بینک انا بریس پروگرام نا رداٹ پاکستان کن یک و نیم ارب ڈالر وام تا زر اسٹیٹ بینک اٹی حکومت پاکستان نا اکاؤنت اٹی منتقل مسنے۔ یات سلے کہ ایشیائی شونداری پروگرام ساڑی آ بھسکار نوکاپ و رسد اٹی اڑاند آتا رداٹ راجی رکھ، غذائی سلامتی ءِ مون آ دننگ و مخلوق کن روزگار نا وارخواہی فراوان کننگ اٹ کمک نا رداٹ  پاکستان کن 1.5 ارب ڈالر نا مالی کمکاری نا منظوری ءِ تسوسس۔ ایشیائی شونداری بینک انا بلڈنگ ریزیلینس ود ایکٹو کاونٹر سائکلیکل ایکسپینڈیچر ز(بریس) پروگرام نا رداٹ فراوان کروک کمکاری حکومت پاکستان نا کنڈآن یوکرین تنکی تون اوار بیرونی شاکس آتون مون تننگ نا 2.3 ارب ڈالر نا پروگرام آ عملدرآمد اٹ کمکار مریک۔ ایشیائی شونداری بینک انا ساڑی آ کمکاری آن نغد امداد دوئی کروک آ خاہوت آتا کچءِ 7.9 ملین 9 ملین اسکان ودفنگک، دا کمکاری آن پرائمری و سیکنڈری اسکول آتیٹی داخل مروک آچناتا کچ ءِ ودفنگ، پڈپُر، پال کنفوک آ لمہ و چناتیکن جان جوڑی نا خذمت و غذائیت نا فراوانی نا کوریج ءِ ودفنگ اٹ کمک رسینگک۔ داکان بیدس داڑان حکومت ءِ زرگزران ءِ ملوک آ دمدستی لوڈو تا اثرآتون مون تننگ اٹ کمک رسینگک۔