اسلام آباد۔ 26 اکتوبر (اے پی پی) پارلیمانی کمیٹی کشمیر حق خودارادیت نا دوئی کننگ کن کشمیری تا جہد نا مخ تفی ءِ برجا تخنگ نا عزم انا درشانی ءِ کرینے و حکومت ءِ پارینے کہ او دا ویل ءِ ہر جہانی فورم آ پبی وڑاٹ تالان کے۔ کشمیر میڈیا سروس نا رداٹ کمیٹی تیان ان کیمرہ دیوان اس اڈ تس ہرانا کماشی ءِ اونا چیئرمین مخدومزادہ سید باسط احمد …
پارلیمانی کمیٹی کشمیر نا دیوان، کشمیری تا جہد آجوئی نا مخ تفی ءِ برجاتخنگ نا عزم انا درشان
گیشتریں ھال
اسلام آباد۔ 26 اکتوبر (اے پی پی) پارلیمانی کمیٹی کشمیر حق خودارادیت نا دوئی کننگ کن کشمیری تا جہد نا مخ تفی ءِ برجا تخنگ نا عزم انا درشانی ءِ کرینے و حکومت ءِ پارینے کہ او دا ویل ءِ ہر جہانی فورم آ پبی وڑاٹ تالان کے۔ کشمیر میڈیا سروس نا رداٹ کمیٹی تیان ان کیمرہ دیوان اس اڈ تس ہرانا کماشی ءِ اونا چیئرمین مخدومزادہ سید باسط احمد سلطان کرے۔ دیوان اٹی تحریک آجوئی کشمیر و پاکستانی سلہہ بند فوج، پولیس، کانود نافذ کروک آ ادارہ غاتا شہید و صحافی ارشد شریف نا درجہ غاتا بڑزی کن دعا کننگا۔ وزارت خارجہ داوخت آ کمیٹی ءِ کشمیر نا جھیڑہ نا تازہ حالیت و حکومت نا آخبت ناحکمت عملی آن معلومدار کرے۔ وزارت امور کشمیر و گلگت بلتستان ہم 27 اکتوبر آ یوم کشمیر نا وڑاٹ اڈتننگ نا بابت حوال تس۔ داوخت آ مخدومزادہ سید باسط احمدسلطان پارے کہ کشمیر اسہ اہم ءُ ویل اسے و اودے ہرفورم آ ہرفنگ و تالان کننگے۔
