عمران خان لانگ مارچ نا آخا لاہور آن اسلام آباد شارٹ مارچ نا پڑو ءِ کرینے، سینیٹر شیری رحمان

اسلام آباد۔ 26 اکتوبر (اے پی پی) بنجائی وزیر چاگڑدی بدلی سینیٹر شیری رحمان پارینے کہ عمران خان لانگ مارچ نا آخا بلکن لاہور آن اسلام آباد شارٹ مارچ نا پڑو کرینے ، اگہ اونا عمران بچاؤ تحریک ہنداخہ پنی ءِ تو پیپلزپارٹی آنبار کراچی آن اسلام آباد لانگ مارچ کرسا نشان ایتے۔ گچین کاریک آئین نا رداٹ وخت آ مریرہ۔ چارشنبےنادے آ تینا اسہ بیان اسے ٹی او پارے کہ ای تحریک انصاف ءِ چیلنج کریسٹ کہ او پیپلزپارٹی کون آ لانگ مارچ کننگ کپک، اونا شارٹ مارچ جی ٹی روڈ آن بناو جی ٹی روڈ آ ہی چٹک۔ شیری رحمان پارے کہ عمران خان چاہک مخلوق اونا بے چیٹی نا سیاست اٹی بشخ ہلنگ خواپک، 25 مئی و 21 اکتوبر آ مخلوق پیشن پیش تمپرسا تحریک بے چیٹی نا کال ءِ مسترد کریر، داوار ہم عمران خان ءِ بے سہبی مریک۔ اوپارے کہ گچین کاری تا پڑو کس اسے نا جندی خواست نا بنداو آ کننگپک۔ گچین کاریک آئین نا رداٹ وخت آ مریرہ۔ شیری رحمان پارے کہ سندھ و بلوچستان اٹی داسہ ہم 2.6 ملین مخلوق ہلہلہ ئی کمک نا چاری ءُ، لکھ آ کیمپ آتیٹی رہینگ انگ ءُ، داحالیت آتیٹی دا مارچ کشسا گچین کاری تا خواست ءِ کننگ ءِ۔