سعودی عرب فیوچر انویسٹمنٹ انیشیٹو کانفرنس اٹی مفاہمت نا 6 یات داشت آتیا دستخط کرے

ریاض۔ 26 اکتوبر (اے پی پی) سعودی عرب فیوچر انویسٹمنٹ انیشیٹو کانفرنس نا وخت آ مفاہمت نا 6 یات داشت آتیا دستخط کرے۔ سعودی پریس ایجنسی نا رداٹ سعودی عرب نا وزارت زرکاری سالانہ فیوچر انویسٹمنٹ انیشی ایٹو(ایف آئی آئی ) کانفرنس اٹی اولیکو دے مفاہمت نا 6 یات داشت آتیا دستخط کرے۔ حوال اٹی پاننگانے کہ توانائی، زند انا آب، دفاعی صنعت، ہن و بر، بائیو ٹیکنالوجی و فنانس نا احاطہ ءِ کرسا ، مفاہمت نا یات داشت آتا مسخت شش بشخ آتیٹی لائخی و مہارت آتے گچین کننگ، اوفتا بھلا چیلنج آتون مون تننگ و گچین جہانی وڑوڈول آتیان فائدہ ہرفنگ ءِ۔ اومستی پارے کہ دا یات داشت آک زرکارآتے پوسکن آ گام گیج آتا بناءِ کننگ، ملازمت ناوارخواہی اتنگ و مملکت اٹی علاقائی دفترآتے ملنگ اٹی ہم کمک کیرہ۔ مسہ دے ئی ایونٹ اٹی پین معاہدہ و زرکاری نا پوسکن ا ٓ معاہدہ غاتا پڑو گمانی ءِ۔ دا شش میکو سالانہ ایف آئی آئی کانفرنس، ہرانا سرحال” انسانیت کن زرکاری: اسہ پوسکن ءُ جہانی نظام اسے فعال کننگ” نا رداٹ سے شنبےنادے آ ریاض اٹی بناکرے ، ہراٹی مچ آ دنیا غان 6،000 پالیسی ساز، زرکار و اسکالر آک بشخ ہلکر۔ کانفرنس اٹی چندی بشخ آتیان تعلق تخوک آ کم و ود 500 سعودی یا درملکی ترانکارآک بشخ ہلنگ ءُ۔ سعودی وزیرزرکاری خالد بن عبدالعزیز الفالح کانفرنس اٹی 2023 اٹی جہانی زرگزران نا بے پکی حالیت آتا بارواٹی خبڑدار کرے ہرافتے ٹی توانائی نا بڑز نہاد و موسمیاتی بدلیک اوار ءُ۔