مزن  وزیر محمد شہباز  شریف ءَ عمرہ  ادا کتگ،  ملک ءَ امن ء ُ ایمنی ء ُ وشھالی ءِ ھاترءَ دعا ئے کتگ

مکہ مکرمہ ۔26اکتوبر  (اے پی پی):مزن وزیر محمد شہباز شریف ءَ چارشمبےءِ روچءَ وتی ڈل ءِ ہمراہی ءَ مسجد الحرام ءَ عمرہ ادا کتگ۔ مزن وزیر کارگس ءِ میڈیا ونگ ءَ چہ  جاری بیان ءِ رد ءَ مزن وزیر ءَ اے موہ ءَ ملک ءَ امنء ُ ایمنی ء ُ دیمروئی ءِ ھاترءَ دعا کتگ۔ مزن وزیر محمد شہباز شریف وتی سعودی عرب ءِ تر ء ُ  تاب ءِ وہد ءَ   مکہ مکرمہ ءَ عمرہ ءِ  ادا   کنگ  ءِ ھاترءَ جدہ ءَ سربوتگ گڑا جدہ ءِ گورنر شہزادہ سعود بن عبداللہ بن جوالی ءَ جدہ  بالی پڑءَ آئی  ءَ را وش اَتک کتگ۔ ایشی ءَ چہ  پیسر مزن وزیر  ءَ وتی ترء ُ تاب ءِ وہد ءَ فیوچر انویسٹمنٹ انیشیٹو  کانفرنس ءَ  ہوار بوتگ ء ُ  تران کتگ۔ مزن   وزیر ءَ سعودی ولی  عہد شہزادہ محمد بن سلمان ءَ گوں گندء ُ نند کتگ۔  یات کنگ بہ بیت کہ سعودی عرب ءِ  ولی عہد شہزادہ محمد بن سلمان ءِ دعوت ءِ پد ءَ مزن وزیر  میاں محمد شہباز شریف ءَ  25 اکتوبر 2022 ءَ سعودی عرب ءِ ترء ُ تاب کتگ۔