میاں اوستمانی  معیشت  ءِ  جیڈھ آنی  گیواری ءِ  واستہ  یکجائی کار  ضلوریگ انت،  سعودی  عرب ءُ   یونائیٹڈ  نیشن   ءَ را  پاکستان  ءَ ھاٹیگ  ءِ شوبگ ءَ سرمایہ کاری ءِ موہ ءَ چہ  سیت  چست کنگ لوٹ ائیت،  مزن وزیر محمد  شہباز شریف   ءِ سعودی  فیوچر  انویسٹمنٹ  انیشی ایٹو سمٹ ءَ گوں گشتانک  

ریاض ۔25اکتوبر  (اے پی پی): مزن وزیر  محمد  شہباز شریف ءَ گوشت کہ میاں  اوستمانی معشیت ءَ گوں استین  دیم پہ دیمیں جیڈھ  ءُ ایشانی  گیواری  ءِ ھولگ ءَ  یکجائی  کارضلوریگ  انت، پاکستان ءَ  ھاٹیگ ءِ شوبگ  ءَ سرمایہ  کاری  ءِ دارج بریں  موہ است انت،  سعودی  عرب ءُ  یونائیٹڈ نیشن  ءَ را میاں  اوستمانی  دگنیا ءِ الس  ءَ را   اے موہ آں چہ سیت  چست  کنگ لوٹ ائیت،  ما  جان سلامتی  ءُ وانگ  ءُ زانگ    ءَ ٹیکنالوجی  ءَ را سہرا کنگ ءِ واستہ  گامگیج  کتگ،  ورنائیں باھند  آناں  نوکیں ٹیکنالوجی  ءَ چہ  وت مہ وتی کنگ  وھد ءِ ارزشتی ایں ضلورت  انت۔  اے ھیالانی درشانی آئی ءَ   سئے شمبے ءِ رچ  ءَ  سعدی فیو چر انویسٹمنٹ  انیشی ایٹو سمٹ  ءَ گوں گشتانک دیانءَ کت۔ آئیءَ گوشت کہ مرچی اے  فورم   ٹوھیں   بستار ءِدار ائیت۔  آیوکیں  باندات ءِ ھوالگ ءَ سعدی  سروک آنی وژن  توسیپی انت،  ایشی ءَ چہ  سہرا بیت کہ ولی عہد محمد  بن سلمان   ناں ایوک ءَ سعدی عرب بلکینگ ءَ  ایندگر ملک   آنی آیوکیں  باندات  ءِ دیمروئی  ءُ  وشھالی ءِواستہ   جہد  ءُ کوشست ءَ انت،   مئے کرا  رسانک ءُ ٹیکنالوجی  است انت،  ایشی ءِ درستاں چہ گیشتر آسر  بنی آدم آنی سر ءَنکش  بنت۔  اے  وھد ءَ  ٹیکنالوجی   ءِ   سر ءَ گواچنی  شفٹنگ ءِ وھد انت۔ اے موہءَ گوں  سیت چست کنانءَ  ماچاگردی ،  موسمی  مٹ ءُ بدلی آورت کناں،  گامگیج ءُ انوویشن  ء، وسیلگءَ  ایشی  ءِ مٹ  ءُ بدلی  آناں  سرجمی ءِ سیم سر آں  تاں پجاری  بوت کنت،  نوکیں ٹیکنالوجی  ءِ  وسیلگ ءَ  زندمان ءِکد ءُ بالاد   آناں گہتر جوڑ کنگ بوت کنت،  پاکستنای  وتی  کیریئر ءَ کامیاتی ءِ  واستہ جھت  ءُ کوشست  کنگءَ انت۔   آئیءَ گوشت کہ میاں اوستمانی   معیشت ءِ استیں  جیڈھ آنی گیواری ءِ  ھولگ ءَ  یکجائی  کار رپک  ءِ ضلوری انت،   معیشت  ءِ گہتری ءِ واستہ ای کامرس    ءِ دیمروئی  المی انت،   چاگردی  ءُ  معاشی  دیمروئی ءِ واستہ زالبول  آنا  وت مستر  جوڑ کنگ  ضلوری انت، معیشت ءِ گہتری  ءِ واستہ  زالبول آناں مردین آنی گوما ھمکوپگ  کار کنگ لوٹ ائیت،  ما  جان سلامتی ءُ وانگ ءُ زانگ ءَ  ٹیکنالوجی  ءَرا سہرا  کنگءِ واستہ  گامگیج  کتگ،  ما  نودربر   آناں  وانگ ءُ زانگ ءِ نیمگ  ءَ دلگوش کنگ ءِ واستہ  وظیفہ  داتگ،  دھکان آناں ریلیف  پجاری  کنگ ءِ واستہ  وھد ءُ موہ ءِ سر ءَ  زر داتگ انت۔  بزگریں ورنا  آناں لکھانی  لیپ  ٹاپ  مپت ءَ بھر ءُ بانگ  کتگ، لاہور ءَ ہائی  ٹیک  سیف سٹی  جوڑ  کتگ،  ڈیجیٹل  ٹیکانولی  ءِ دیمروئی  ءِ واستہ سمارٹ سکول   جوڑ انت،  پاکستان ءِ آبات کاری  ءِ ٹوھیں بھر ءِ  ورنا ئیں تبک ءِمردم انت،   اے ورنا  ٹیکنالوجی    ءِ وانگ ءُ زانگ   ھیل کنگ ءَانت پدا  ھم  ورنا ئیں باھند  آناں  نوکیں ٹیکنالوجی  ءَ  گوں  ھمگام  کنگ  وھد ءِ ارزشتی ایں  ضلورت  انت۔   آئیء۔ گوشت کہ پاکستان  فری لانسنگ  ءِ ھوالگ ءَ چہ  چارمی  ٹوھیں ملک   انت،  پاکستنا ء، شہری  ءُ کوچگی   آباتی موبائل فون ءُ انٹرنیت    کارمرز    کنت۔  درستانی واستہ جان سلامتی ءِ آسراتی  ءِ پجاری دل  یکیمی جوڑ  کنگ  ضلوری انت،  مئے حکومت ورنا آناں انوویشن  ءِ واستہ  جوانیں   جاور   پجاری  کنگ ءَ انت۔  آئی ءَ گوشت  کہ موسمی  مٹ ءُ بدلی ءِ   ٹوھیں  جیڈھ  است  انت، کاربن   ءِ   شنگ بوھگءَ چہ  پاکستانی ءِ  ٹوھیں  بھر ءِ  یک درسدے ءَ چہکم،  موسمی  مٹ ءُ بدلی آنی سبب   ءَ چہ پاکستنا ءَ را  تباہیگیں  سیلاپ ءُ ڈکال ءِ گوما  دیم پہ دیمی کنگ کپتگ،  سیلاپءِسبب ءَ  بلوچستان   ءُ سندھ ءَ  ٹوھیں تاوان بوتگ، موسمی مٹ  ءُ بدلی ءَ چہ آماچیں  ملک آنی  میا ں اوستمانی تک ءَ کمک  کنگ لوٹ ائیت،  پاکستان ء۔ سیلاپ ءَ چہ سئے کروڑ   30 لکھ   آماچ انت وھدیکہ   1700    ءَ چہ   گیش بیران بوتگانت، سیلاپ  ءَ چہ پاکستانءَ  لکھانی   گس  تباہ بوتگ انت، سیلاپ   ءِ آماچیں مردم آنی کمک ءِ واستہ سعودی  عرب  ءَ  براتیںملک آنی  کمک  کنگءِپد ءَ شگر ءُ منت وار  آں۔  مزن وزیر ءَ  گوشت کہ  ما  پنجاپ  ءَ  سولر   ھاٹیگ ءِ  منصوبگ   سہر ا کتگ۔   سولر  ھاٹیگ ءَچہ 10  ہزار  میگاواٹ توان   ءِ  در جنگ ءِ واستہ  اوست ائیگ آں۔  حکومت  پرائیویٹ   شوبگ ءِ  دلبڈی  ءِ واستہ گامگیج کنگ ءَ انت ،  آئیءَ گوشت کہ پاکستان  ءَ پنجاپ  ، سندھ ، بلوچستان ءُخیبر پختونخوا   ءَ سولر  ھاٹیگ ءِ در جنگ ءِ دراج بریں  ءُ شاھیگانیں ازم است  انت،  ما سولر  ءُ  گوات ءِ  وسیلگ ءَ   ھاٹیگ ءِ  شوبگ  ءِدر  جنگ ءِ واستہ  اوست مند آں۔   آئیءَگوشت کہ پاکستان  ءَ ہائیر ایجوکیشنل  انسٹی  ٹیویشنز   است ، ایشانی تہءَکجام  یک    یونیورسٹی ءَ   سٹیلائٹ  سینٹر جوڑ کنگ بوت کنت ایشیءِ  وسیلگ ءَ  پاکستانءَ   مارکیٹ   ءِ ضلورت ءِ رد ءَ  مئے  ورنا  آناں  انوویشن  ءِ  ازمکاری آں  چہ سیت  چست کنگ بوت  کنت۔