کل  جماعتی حریت کانفرنس ءِ  کلانہ ایں  سروک  مولانا عباس  انصاری بیران بوت،  کشمیر ی  27  اکتوبر  ءَ   را یوم  سیاہ  ءِ  رنگ ءَ  برجم دار ائیت

سرینگر۔25اکتوبر  (اے پی پی): گیر کانودی رنگ ءَ  بھارت  ءِ  زیر قبضہ  جموں کشمیر ءَ کل جماعتی  حریت کانفرنس ءِ  پیسریگیں  چیئرمین  مولانا  عباس انصاری   دراج بریں نادُراھی ءَ چہ پد  مرچی  سرینگر ءِ دمگ  نواکدل  ءَ   وتی گس ءَ بیران بوت۔   کشمیر  میڈیا  سروس ءِ رد ءَ  86  سال امبری  مولانا  عباس  انصاری  ءَ  مسلمان آنی  سروک بوتگ۔ کشمیر ی  الس آنی وت واجئی ھک  ءِ  واستہ  وتی  ٹوھیں  جہد ءُ کوشست  ءِ  سبب  ءَ  بازیں سال ءَ چہ  جیلءَ   بند  انت۔  آئی ءَ  1989  ءَ   آجوئی   ءِ  استیں فیز  ءِ   بندات ءَ  سید علی گیلانی ءُ ایندگر  حریت  سروک  آنی گوما یکجائی ءَ   گل جماعتی  حریت  کانفرنس  ءِ پلیٹ  فارم   ءَ   چہ  آجوئی   ءِ  بندات  کتگ۔  آئیءَ اسلام   ءِ روحانی   بن گپ آنی سر ءَ  بازیں  کتاب  نبشتہ  کتگ۔