پشین اٹی پولیو ٹیم انا رکھ آ سلوک پولیس کارندہ نا شہیدی نا واقعہ مذمت نا قابل ءِ، بنجائی وزیر قومی جان جوڑی عبدالقادر پٹیل

اسلام آباد۔ 25 اکتوبر (اے پی پی) بنجائی وزیر قومی جان جوڑی عبدالقادر پٹیل پارینے کہ پشین اٹی نادرست بندغ آتا سم کاری آن پولیو ٹیم انا رکھ آ سلوک پولیس کارندہ نا شہیدی نا واقعہ  مذمت نا قابل ءِ، نن شہیدکارندہ نا خاہوت نا غم اٹی بریبر نا شریک اُن، سیکورٹی ادارہ غاک ملک انا آخبت ءِ معذوری آن بچفنگ اٹ اہم ءُ کڑد اس ادا کرینو۔ سے شنبےنادے آ تینا اسہ بیان اسے ٹی اوپارے کہ پولیس کارندہ نا قربانیک زیان مفسہ، نن شہید کارندہ نا خاہوت نا غم اٹی بریبر نا شریک اُن ۔ اوپارے کہ دوشنبے آن بناکروک آ پولیو تور مہم ملک انا 83 ضلع غاتیٹی برجاءِ، ملک دشمن زموارآک ننا حوصلہ ءِ شیف شاغنگ کپسہ۔ عبدالقادر پٹیل پارے کہ مچ آ ملک آن پولیو نا چٹفنگ کن غٹ وسیلہ غاتے کاریم اٹ اتنگ اُن۔