کراچی کن واٹر سپلائی نا میگاپروجیکٹ آ ترندی اٹ عملدرآمد برجاءِ، دیر انا کاختی نا ویل ہمیشہ کن ایسر مریک، سید خورشید شاہ

اسلام آباد۔ 25 اکتوبر (اے پی پی) بنجائی وزیر آبی وسیلہ سید خورشید شاہ پارینے کہ کراچی کن واٹر سپلائی نا میگا پروجیکٹ اکے فور آ ترندی اٹ عملدآمد برجاءِ، 200 ارب روپئی نا دا ڈٹ انا پوروی آن دیر انا کاختی نا ویل ہمیشہ کن ایسر مریک۔ سے شنبے نادے آ وزارت آبی وسیلہ غان جاری بیان نا رداٹ وزارت آبی وسیلہ ٹی ڈیمز و کے فور نا بابت اڈ ہلوک دیوان اٹی بنجائی وزیر آبی وسیلہ پارے کہ کراچی کن واٹرسپلائی نا میگا پروجیکٹ کے فور آ ترندی اٹ عملدرآمد برجاءِ، 200 ارب روپئی نا دا ڈٹ انا پوروی آن دیر انا کاختی نا ویل ہمیشہ کن ایسر مریک۔ اوپارے کہ دیر ، توانائی و کشت وکشار نا بشخ آتیٹی شونداری ہی ملکی شونداری نا ضامن ءِ ، دریائے سندھ انا دیر انا گچین کاریم اٹ اتنگ آن زرگزرانی سوگوی دوئی کننگ مریک۔ داوخت آ بنجائی وزیر اقتصادی امور ایاز صادق ، سلاہکار امور کشمیر و گلگت بلتستان قمر زمان کائرہ و مہدی شاہ ئسک ہم ساڑی ئسر۔