اسلام آباد۔ 25 اکتوبر (اے پی پی) چیئرمین سینیٹ محمد صادق سنجرانی اینو (سے شنبےنادے ) پیشیم نا وخت آ ورلڈ پیپلز کنسلٹیٹیو اسمبلی فورم آن تران کیک ۔ سے شنبے نادے ا ٓسینیٹ سیکرٹریٹ آن جاری بیان نا رداٹ چیئرمین سینیٹ تینا تران اٹی موسمیاتی بدلی، اسلاموفوبیا  کون آ بنداوی چیلنج آتے تالان و اوفتے تون مون تننگ کن سلاہ و سوج مرتب کیک۔ یات سلے کہ چیئرمین سینیٹ محمد صادق سنجرانی نا انڈونیشیا نا شار بنڈ ونگ اٹی ورلڈ پیپلز کنسلٹیٹیو اسمبلی فورم نا بنائی دود اٹی بشخ ہلنگ اٹی ءِ۔ داکان مست محمد صادق سنجرانی انڈونیشیا نا السی سلابتی اسمبلی نا اسپیکر نا کنڈآن مندوبین تا شرف اٹی تروک آ ناشتہ ٹی دنیا نا چندی مندوبین آتون اوڑدہی کرے، اوڑدہی تیٹی تین پہ تینی است خواہی نا امور آ گپ وتران کننگا۔ صادق سنجرانی او آئی سی ممبر ملک آتا پارلیمانی یونین (پی آئی یو سی ) نا سیکرٹری جنرل تون ہم اوڑدہی کرے و امت ءِ مون تروک چندی چیلنج آتیا بھرمی گپ وتران کرے۔

متعلقہ مضامینمصنف کی طرف سے مزید