بیجنگ۔ 25 اکتوبر (اے پی پی) چین فنانشل ایکشن ٹاسک فورس (ایف اے ٹی ایف) نا پاکستان ءِ گرے لسٹ آن کشنگ نا فیصلہ نا ستاءِ کرینے۔ چینی میڈیا نا رداٹ چین نا وزارت خارجہ نا ترجمان وانگ وین بِن ایف اے ٹی ایف نا پاکستان ءِ گرے لسٹ آن کشنگ نا فیصلہ نا ستاءِ کرسا پاکستان ءِ مبارکباد پیش کرے۔ اوپارے کہ پاکستان مشکل آتیان پد ہم تدوک آ 5 سال اٹی انسداد منی لانڈرنگ و انسداد دہشت گردی نا مالی کمکاری نا نظام ءِ پدریسہ گچین کرے۔ اوپارے کہ پاکستان ءِ ایف اے ٹی ایف نا گرے لسٹ آن کشنگ داہیت انا شاہدی ءِ کہ جہانی کہول آ ہم دا بابت پاکستان نا کوشست آتے امنا کننگ انگ ءِ۔ اوپارے کہ اودے اومیت ءِ کہ پاکستان انسداد دہشت گردی نا جہانی کمکاری ءِ مون آ دننگ و جہانی مالیاتی نظام نا رکھ اکن مثبت کڑد ادا کرسا کیک۔
