راولپنڈی۔ 25 اکتوبر (اے پی پی) اینٹی نارکوٹکس فورس منشیات تور کارروائی تیٹی منشیات دوئی کرسا مسہ دوبہ دار ءِ دزگیر کرے۔ اے این ایف ترجمان نا رداٹ منشیات تور فورس سے شنبے نادے آ لاہور انٹرنیشنل بالی پٹ آ دوبہ دار اسے نا بیگ آن 780 گرام آئس دوئی کرے۔ سیالکوٹ نا ہنکینی سیف اللہ پنی ءُ دوبہ دار اس فلائٹ نمبر PA-472آن جدہ غا ہناکہ۔ ترجمان نا رداٹ ارٹ میکو کارروائی ٹی ہائی وے گڈانی نزد لسبیلہ نا خڑک آن 2 دوبہ دار آتے دزگیر کرسا کار اسے آن 84 کلوگرام چرس دوئی کننگا۔ دزگیر دوبہ دار آتیان خیرمحمد نا تعلق جھنگ وخت اس کہ عمران نا تعلق کوئٹہ غان ءِ۔ دوبہ دار آتے دزگیر کرسا منشیات تور ایکٹ نا رداٹ مقدمہ درج کرسا جاست وپاست نا بناءِ کننگانے۔
