اسلام آباد۔24اکتوبر (اے پی پی): مزن وزیر محمد شہباز شریف ءَ دوشمبے ءِ روچءَ ایشیائی ترقیاتی بینک ءِ بلڈنگ ریزیلینس ود ایکٹو کاؤنٹر سائکلیکل ایکسپینڈیچر پروگرام ءِ ردءَ 1.5 ارب ءِ وامانی من ء ُ گرآنی سرءَ دستخط کنگ ءِ مراگش ءَ ہوار بوتگ۔ دیمروئی شر یداری حاس ایشیائی ترقیاتی بینک ءِ کردءَ را ساڑاتگ ء ُ مزن وزیرءَ بریس پروگرام ءِ ردءَ پاکستان ءِ ھاترءَ 1.5 بلین امریکی ڈالر ءِ بجٹ سپورٹ ءِ منظوری ءِ سرءَبینک ءِ بورڈ ءِ شکرء ُ منت گپتگ۔ مزن وزیر ءَ بینک ءِ صدر ماساتوگوآساتاو ء ُ آئی ءِ سرجمیں ٹیم ءِ انوگیں موسمیاتی مٹء ُ بدلی ءِ نتیجگ ءَ بوتگیں تباہیءَ پاکستان ءِ کمک کنگءَ را ہم ساڑاتگ۔ ایشیائی ترقیاتی بینک، عالمی بینک، یورپی یونین ء ُاقوام متحدہ ءِ حکومت پاکستان ءِ گوما شریداری ءَ کتگیں پوسٹ ڈیمیج نیڈز اسسمنٹ ءِ ردءَ انوگیں ہاراں چہ پاکستانی معیشت ءَ را 30 ارب ڈالرءِ نقصان رستگ۔ مزن وزیر ءَ ہار ءِ آماچیں مردمانی آبات کنگ ءِ سرءَ زور پِر دا تگ ء ُ اُمیت ءِدرشانی کتگ کہ ایشیائی ترقیاتی بینک ءِ 1.5 بلین ڈالر ءِ وام پاکستان ءِ معاشی جیڑہ ء ُ جنجالاں کم کنگءَ کمک دیاں۔ بینک ءِ نائب صدر شاکسن چئ ءَ ویڈیولنک ءِ وسیلگ ءَ دیوان ءَ ہوار بوتگ۔ دیوان ءَ حزانگءِ وزیر محمد اسحاق ڈار، اقتصادی کارانی وزیر سردار ایاز صادق، ڈائریکٹر جنرل اے ڈی بی یوجین زوخوف ءَ ابید اے ڈی بی ء ُ حکومت پاکستان ءِ مزنیں حکام اے موہ ءَ ساڑی بوتگ اَنت۔ اقتصادی کارانی ڈویژن سیکرٹری کاظم نیاز ء ُبینک کنٹری ڈائریکٹر ج یونگ ییءَ من ء ُ گرءِ سرءَ دستخط کتگ ء ُ مزن و زیر محمد شہباز شریف منء ُگرء ِ دستخط کنگءِ مراگش ءَ ہوار بوتگ ۔
