جہانی زرگزران ءِ مون تروک خطرہ غاتا توننگ کن پوسکن آ سوچ و جیرت مندانہ وژن نا گرج ءِ، وزیراعظم شہباز شریف

اسلام آباد۔ 24 اکتوبر (اے پی پی) وزیراعظم محمد شہباز شریف پارینے کہ جہانی زرگزران ءِ مون تروک خطرہ غاتا توننگ و پوسکن آ کسر تے پٹنگ کن پوسکن آ سوچ و جیرت مندانہ وژن نا گرج ءِ۔ دوشنبےنادے آ اسہ ٹویٹ اسے ٹی وزیراعظم پارے کہ او سعودی ولی عہد شہزادہ محمد بن سلمان نا سلہ غا فیوچر انویسٹمنٹ انیشیٹوسمٹ اٹی بشخ ہلنگ کن سعودی عرب آ روانہ مننگ ءِ۔ اوپارے کہ جہانی زرگزران نا ساڑی آ حالیت داہیت نا خواہندار ءِ کہ زرگزران ءِ مون تروک مشکل آتا مون ءِ توننگ و پوسکن ءُ کسر پٹنگ کن پوسکن آ سوچ و جیرت مندانہ وژن اختیار کننگے۔ وزیراعظم پارے کہ زرگزران تے نسخان تروک آ جہانی کساد بازاری آن زرگزران ءِ لاحق خطرہ غاتا بارواٹ بھاز گڑتی ءِ ، دین و آب و ہوا غان ودی مروک آ آفت آک مہالو آن پدتموک ملک آتے بھاز زیات نسخان تسنو، وخت بسنے کہ دنیا بامسخت مذاکرات نا کمک اٹ ودوک آ چیلنج آتا ایسر اس پٹے۔