اسلام آباد۔ 24 اکتوبر (اے پی پی) بنجائی وزیر ڈٹ بندی شونداری و اصلاحات و خصوصی گام گیج احسن اقبال پارینے کہ چاگڑدی بدلی تا سوب آن کشاری پیدوار اٹی کمتی مننگ ءِ، پاکستان ءِموسمیاتی بھسکاری آن 32 ارب ڈالر نا نسخان مس، چندی ضلع غاک نوکاپ نا سوب آن پورو وڑاٹ بھس مسر، ترندی اٹ مروک موسمیاتی بدلی تا سوب آن پاکستان بھاز زہمی ملک ءِ۔ داخیال آتا درشانی ءِ او دوشنبےنادے آ پاکستان واٹر ویک 2022 کانفرنس آن تران کرسا کرے۔ اوپارے کہ پاکستان ءِ چاگڑدی بھسکاری تا مون تروک ءِ، گلیشیئر دیر مننگ ءِ ، دیر انا کاختی و ہیٹ ویو مون تروک ءِ، دا غٹ بدلیک پاکستان ءِ بھاز زہمی کننگ اٹی ءُ۔ اوپارے کہ موسمیاتی بدلی تا سوب آن کشاری پیدوار اٹی کمتی مننگ ءِ، پاکستان ءِ چاگڑدی بھسکاری آن 32 ارب ڈالر نا نسخان مس، چندی ضلع غاک نوکاپ نا سوب آن بھس مسر۔ اوپارے کہ ترندی اٹ مروک چاگڑدی بدلی تا سوب آن پاکستان بھاز زہمی ملک ءِ، موسمیاتی بدلی تاسوب آن دیر انا کاختی نا مون تروک ءِ، بشام اٹی موسمیاتی بدلی تا سوب آن ٹمپریچر اٹی شدت بس۔ اوپارے کہ نوکاپ آن 1 ملین آن زیات ساہدارآک کسکر، کشاری بھسکاری تون مون تروئی تما ہرانا سوب آن فوڈ سیکورٹی نا ویل جوڑ مس، کلائمٹ سمارٹ ایگری کلچر نا گرج ءِ، پاکستان اٹی دنیا نا گیشتر ایری گیشن سسٹم ءِ۔ کشاری پیدوار نا دارومدار دیر آ ٹی ءِ، دیر ، فوڈ و ایکوسسٹم کن حکومت پاکستان نیشنل واٹر پالیسی نا منظوری ءِ تس۔ واٹر ریسورسز سیکٹر کن نن پی ایس ڈی پی نا 12 درسد تخان۔ اوپارے کہ اِرا میگا ڈیم دیامیر بھاشا و مہمند ڈیم آ کاریم نا بناءِ کننگانے، پوسکن آ ڈیم تیان سٹوریج کیپسٹی گچین مریک و ہرا دیر اٹی کاختی مس او مہالو نا کچ آ بریک۔ انرجی سیکورٹی کن حکومت انوائرمنٹ فرینڈلی ہائڈرو پاور ڈٹ خلنگ ءِ۔ اوپارے کہ ملک اٹی انوسٹر فرینڈلی پالیسی پروموٹ کننگ انگ ءِ، واٹر کنزرویشن کن بلوچستان اٹی 100 سمال ڈیم جوڑ کننگانے، بلوچستان اٹی نوکاپ نا سوب آن سمال ڈیم آتے نسخان رسینگا۔
