کراچی۔ 24 اکتوبر (اے پی پی) بنجائی وزیر محکمہ تخفیف نیزگاری و راجی رکھ و پاکستان پیپلزپارٹی پارلیمنٹرینز نا مرکزی راہشون شازیہ عطاء مری سینئر صحافی و اینکر پرسن ارشد شریف نا ناگہانی مرک آ است ہسونی نا درشانی ءِ کرسا خاہوت تون ہڑزخواہی کرینے۔ بنجائی وزیر شازیہ مری تینا جاری کروک ہڑزخواہی کلہو اٹی پارے کہ سینئر صحافی ارشد شریف نا ناگہانی مرک انا بنگٹ بھاز است ہسونی مس و دا ڈکھیائی نا ساہت اٹی غمزدہ خاہوت تون ہمدردی و ہڑزخواہی نا درشانی ءِ کینہ۔ اودعا کرے کہ اللہ تعالیٰ ایماندار نا درجہ غاتے بڑز کے و اونا خاہوت ءِ صبر و جمیل عطاکے۔
