اسلام آباد۔ 24 اکتوبر (اے پی پی) وزیراعظم محمد شہباز شریف جمہوریہ کینیا نا صدر ولیم روٹو ءِ ٹیل فون کرے و سینئر صحافی ارشد شریف نا زوال کننگ نا واقعہ نا بے کنڈ ہلوک و شفاف جاست وپاست آ زور شاغا وخت اس کہ کینیا نا صدر واقعہ غا است ہسونی نا درشانی ءِ کرسا انصاف نا خواست آتے پورو کننگ و میت نا پدی اتنگ نا عمل ءِ ترند جوڑ کننگ نا باوری ہم کرفے۔ دوشنبےنادے آ وزیراعظم آفس نا میڈیا ونگ آن جاری بیان نا رداٹ وزیراعظم پاکستانی قوم و میڈیا برادری نا کنڈآن واقعہ غا گڑتی آن کینیا نا صدر ءِ معلومدار کرے۔ وزیراعظم ایماندار ارشد شریف نا میت نا زوت وطن آ پدی اتنگ کن ضابطہ نا کارروائی تے زوت پورو کننگ نا خواست کرے۔ بیان نا رداٹ کینیا نا صدر واقعہ غا است ہسونی نا درشانی ءِ کرسا انصاف نا خواست آتے پورو کننگ نا باوری کرفے۔ کینیا نا صدر واقعہ نا جاست وپاستی رپورٹ ءِ زوت فراوان کننگ و ایماندار ارشد شریف نا میت نا پدی اتنگ نا عمل ءِ ترند کننگ نا باوری ہم کرفے۔
