مظفرآباد ۔ 24 اکتوبر (اے پی پی) آزاد جموں وکشمیر نا 75 می یوم تاسیس ءِ اینو(دوشنبےنادے آ) دا قول انا پوسکنی تون اڈتننگ انگ ءِ کہ بھارت نا ناروا کوزہ غان جموں و کشمیر نا آجوئی و مچ آ علاقہ نا پاکستان تون الحاق اسکان جہد ءِ برجاتخنگک۔ کشمیر میڈیا سروس نا رداٹ دادے ءِ ہرسال مقبوضہ جموں وکشمیر ءِ بھارتی کوزہ غان آجو کرفنگ و مچ آ جموں وکشمیر نا پاکستان تون الحاق اسکان جہد ءِ برجاتخنگ نا قول انا پوسکنی تون اڈتننگک۔ مظفرآباد اٹی دے انا بنا بھارت نا غیر کانودی کوزہ ٹی جموں وکشمیر نا ایلم تا آجوئی کن خصوصی دعاتے اٹ کننگا۔ مظفرآباد نا پریڈ گراؤنڈ اٹی اسہ دود اس اڈتننگا ہراڑے اسپیکر و قائم مقام صدر آزاد جموں وکشمیر سردار چودھری انوارالحق قومی بیرک ءِ چست کریر۔ دود اٹی آزاد جموں وکشمیر نا وزیر آک و کل جماعتی حریت کانفرنس نا آزاد جموں وکشمیر شاخ انا راہشون بشمول کنوینر محمود احمد ساگر و غلام محمد صفی ئسک بشخ ہلکر۔ داوخت آ پاکستان نا سالمیت و شونہالی و مقبوضہ جموں وکشمیر نا زوت آجوئی کن خصوصی دعاہم کننگا۔ آزاد جموں وکشمیر نا ہر مسٹ آ ریڈیو اسٹیشنک یوم تاسیس نا اہمیت ءِ تالان کننگ کن خصوصی پروگرام نشر کننگ اٹی ءُ۔
