او آئی سی  ءَ  مسلمان  آناں بنیاتی   ھک  ءُ  مسلم  مانرٹی  آنی  سیت آنی  رکھینگ  ءِ واستہ  وتی  کرد  ءَ را   پیلو  کنگ  لوٹ ائیت،  مارا  راستی آنی رد ءَ   ھال  آنی وسیلگ ءَ دروگیں ھال  آنی  مقابلہ  کنگ     لوٹ ائیت،  مریم  ارنگزیب

اسلام آباد۔23اکتوبر  (اے پی پی):  بنجاھی وزیر اھوالکاری  ءُ شنگ  کاری  مریم  اورنگزیب   ءَ اسلامو فوبیا  ءِ جیڈھ  آناں  گر  ءُ چیل     بوھگ ءِ کوشست   ءَ را  ترند کنگ  ءُ  سرجمیں  دگنیا  ءَ مسلمان  آنی بنیاتی  ھک  ءُ مسلم    مانرٹی  آنی  ھک آنی رکھینگ  ءِ واستہ او آئی سی ء کرد  ءِ ضلورت  ءَ را  سہرا کنان ءَ گوشت  کہ  اسلامو فوبیا   ءِ   سل کاری  س کم نہ بوتگ،  زرباری ایشیا  ءَ  مسلمان  آنی  ھلاپ ءَ  کسد ءُ کینگی  گشتانک   ءُ   کشمیر  ءَ بے کسوریں  مردم آنی  کوش،  الیکٹرانک   ءُ  سوشل   میڈیا  ءَ اسلام   ءِ  نیگیٹیو  اکس کشی  ءَ یک  شلیں گیشی بوتگ۔  آئی ءَ گوشت کہ  پاکستان  استیں  سیلاپ  ءَ چہ  کساس  40  ارب ڈالر   تاوان بوتگ۔   اے ھیالانی  درشانی  آئی ءَ  گوستگیں  روچ ءَ ادا  او آئی  سی  وزیر  ءِ اھوالکاری  کانفرنس  ءِ  12  دوہازدھمی  دیوان  ءَ گوں گشتانک دیان ءَ کت۔