لاہور۔23اکتوبر (اے پی پی):پاکستان پیپلز پارٹی ءِ چیئرمین ءُ وزیر ءِ درئی کار بلاول بھٹو زرداری ءَ گوشتگ کہ عمران خان ءَ را کانودی نا اوستی ءِ وسیلگ ءَ گس ءَ روان دیگ جمہوریت ءِ باج برئی انت، عمران خان پاکستانی تاریخ ءِ اولی مزن وزیر بوتگ آئی ءَ ملکی معیشت ءِ سر ءَ وت کشیں تراک کنان ءَ الس ءِ سر ءَ ظلم کتگ، پی ڈی ایم ءِ لیڈر ءَ سیاسی قیمت دیان ءَ ملک ءَ را ڈیفالٹ بوھگ ءَ چہ رکھینتگ، ملکی معیشت ءَ راست کتگ ات کہ یک ٹوھیں سیلاپ ءُ ڈکالے پاکستانی راج آماچ بوت۔ توامیں سیاسی گل آں سیلاپ ءِ آماچیں مردم آنی برجائی ءُ آسودگی ءِ واستہ یک مشت بوتگ انت۔ اے ھیالانی درشانی آئی ءَ یک شمبے ءِ روچ ءَ ھندی ہوٹل ءَ عاصمہ جہانگیر کانفرنس ءِ گڈی سیشن ءَ گوں گشتانک دیان ءَ کت۔ اے موہ ءِ سر ءَ مزن وزیر شاہد خاقا ن عباسی ، اختر مینگل ، علی ظفر ، منیزے جہانگیر ، افراسیاب خٹک ءُ ایندگر سیاسی گل آنی سروک ھم ساڑی ات۔ بلاول بھٹو زرداری ءَ گشتانک دیان ءَ گوشت کہ عمران کان ءَ وتی دور ءَ ملک ءُ راج ءِ واستہ سکی ءُ مشکل پیداک کتگ۔ آئی ءَ را جمہوری رپک ءَ گس ءَ روان دیگ ، ایش جمہوریت ءِ مھکمی ءِ یک سہرائیں درور ات۔
