اسلام آباد۔23اکتوبر (اے پی پی): بنجاھی وزیر برائے موسمی مٹ ءُ بدلی شیری رحمان ءَ گوشت کہ مادر ءِ جمہوریت بیگم نصرت بھٹو ءِ سالرو ءَ آئی ءَ پیپلز پارٹی ءِ نیمگ ءَ چہ توسیپ ءُ ستا پیش کنت۔ شہید بھٹو ءِ شہادت ءَ چہ پد بیگم نصرت بھٹو ءَ پارٹی ءِ سروکی کتگ۔ یک شمبے ءِ روچ ءَ بیگم نصرت بھٹو ءِ سالروچ ءِ موہ ءَ وتی کلوہ ءَ شری رحمان ءَ گوشت کہ بیگم بھٹو ءِ سیاسی ءُ زاتی زندمان ءَ بے دروریں قربانی آنی سبب ءَ باسکاں آئی ءَ را مات توار جتگ۔
