اسلام آباد۔23اکتوبر (اے پی پی): مزن وزیر محمد شہباز شریف ءَ سرجمیں پاکستانی راج ءُ حکومت ءِ نیمگ ءَ چین ءِ صدر شی جن پنگ ءَ را سیمی مدت ءِ واستہ کمیونسٹ پارٹی آف چائنہ سی پی سی ءِ جنرل سیکرٹری ءِ بستار ءَ دوارگ گچین بوھگ ءِ پد ءَ مبارک بات داتگ۔ یک شمبے ءِ روچ ءَ وتی ٹویٹ ءَ مزن وزیر ءَ وشت کہ اے گچین کاری چین ءِ الس ءِ ازمت آنی واستہ شی جن پنگ ءِ شاھوکاریں ءُ بودناکیں داد ءُ سلام ءِ اکش کشی انت۔ مزن وزیر محمد شہباز شریف اولی در ملکی حکومت ءِ سروک انت کہ آئی ءَ چین ءِ صدر شی جن پنگ ءَ را سیمی مدت ءِ واستہ سی پی سی ءِ جنرل سیکرٹری ءِ بستار ءَ دوارگ گچین بوھگ ءِ پد ءَ درستاں چہ پیسر مبارک بات داتگ۔
