استنبول ۔22اکتوبر (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ اسلامو فوبیا ءِ جیڈھ ءَ گوں گیش ءُ گیوار بوھگ ءِ رد ءَ گامگیج آناں ترند ءُ اشتاپ کنگ ءُ دگنیا ءَ مسلمان آنی بنیاتی ھک ءُ مسلم مانرٹی ءِ سیت آنی رکھینگ ءِ واستہ او آئی سی ءِ کرد کنگ ءِ ضلورت ءَ را سہرا کنان ءَ گوشت کہ اسلامو فوبیا ء جیڈ ھ ءُ تکانسری کم نہ بوتگ، زر باری ایشیا ءَ مسلمان آنی ھلاپ ءَ کسد ءُ کینگی گشتانک ءُ لٹ ءُ کُٹ آنی ھوالگ ءَ تکانسری ات۔ آئی ءَ گوشت کہ بھارت ءَ بے کسوریں مردم آنی لٹ ءُ کٹ ءُ لگت مالی ءُ الیکٹرانک ءُ سوشل میڈیا ءِ سر ءَ اسلام ءِ ھلاپ ءَ اکس شگ ءُ تالان کنگ ءِ رد ءَ گیش گیشی بوھگ ءَ انت۔ مارا راستیں ھال آنی شنگ ءُ تالانی ءَ آوانی مقابلہ کنگ انت۔ آئی ءَ گوشت کہ پاکستان ءُ نائیجیریا وڑیں او آئی سی ءِ باسکیں ملک دگنیا ءَ موسمی مٹ ءُ بدلی ءِ بیم ءَ چہ درستاں چہ گیش آماچ بوتگ انت۔ آئی ءَ گوشت کہ استیں وھد ءَ سیلاپ ءِ سبب ءَ کساس 40 ارب ڈالر ءَ چہ گیش تاوان بوتگ۔ آءی ءَ گوشت کہ موسمی مٹ ءُ بدلی ءَ گوں گر ءُ چیل بوھگ ءِ واستہ فنانسنگ ءَ را ودینگ بہ بیت۔ اے ھیالانی درشانی آئی ءَ ادا او آئی سی وزارت ءِ اھوالکاری ءُ شنگ کاری کانفرنس ءِ 12 دوہازدھمی دیوان ءَ گوں گشتانک دیان ءَ کت۔ اے دیوان ءَ 57 ملک آنی گشتانکار آں بھر زوری کت۔
