اسلام آباد۔22اکتوبر (اے پی پی): وزیر ءِ ھزانگ سینیٹر محمد اسحاق ڈار ءَ گوشتگ کہ چین پاکستنا اقتصادی راہداری سی پیک پاکستا ءِ معیشت ءَ ر ا دیمروئی ءِ گوما دوئیں ملک آنی نیام ءَ دو نیمگی یکوئی آناں گیش برجم کنگ ءَ ارزشتی ایں کرد ءِ پیلو کنگ ءَ انت۔ آئی ءَ اے گپ شمبے ءِ روچ ءَ ادا السی جمہوریہ چین ءِ سفیر نونگ رونگ ءَ گو ں گند ءُ نند ءِ ساھت ءَ کت۔ وزیر ءِ ھزانگ ءَ چینی سفیر ءَ را وش اتک کت ءُ گوشت کہ پاکستان ءُ چین ءِ نیام ءَ جہلانکیں دوستی ءُ یکوئی است انت ۔ ایش باز مھکم انت۔ وزیر ءِ ھزانگ ءَ استیں حکومت ءِ جیڈھ ءُ معاشی مشکل ءُ پالیشی آنی رد ءَ چمشانک دات ءُ آئی ءَ گوشت کہ اے معاشی اڈ ءُ جنجال آنی گیواری ءُ مالیاتی برجائی آرگ انت۔ وزیر ء ھزانگ ءَ چین ءِ سروک آںی نیمگ ءَ سیلاپ ءِ ساھت ءَ رھینگ ءُ پاکستان ءَ را 15 ارب یو آن ءِ آسانیں کست ءِ گوما ادائیگی ءِ واستہ کمک آناں ھم ساڑات۔
