لاہور۔22اکتوبر (اے پی پی): مزن وزیر محمد شہباز شریف ءَ فیٹف ءِ گرے لسٹ ءَ چہ در کپتگ ءِ پد ءَ راج ءَ را مبارک بات دیان ءَ گوشت کہ ایشی ءَ چہ پاکستان ءِ معیشت ءِ تہ ءَ گہتری کئیت، اے کامیاتی توامیں ادارگ آنی ھواریں کوشست ءِ برکت ءَ بوتگ، وتی آیوکیں باھند ءُ ملک ءِ گہتری ءِ واستہ ھمک کس ءَ گوں گپ ءُ تران ءِ واستہ تیار انت، گوست ءَ مئے معیشت ءِ گہتری ءِ گال ءَ را گوں این آر او ءَ گوں ملارینگ بوتگ، عمران خان سرٹیفائیڈ دز ات، راج آئی کجا م ھم گپ ءَ چہ ڈن ءَ در مہ کپ ئت۔ استیں حکومت وتی وھد ءُ پاس ءَ سرجم کنت ءُ یازدہ ماہ ملکی معیشت ءَ را راستیں کشک ءَ رھادگ کنگ ءِ واستہ گیشاں چہ گیش جھد ءُ کوشست ءِ گوما کار کتگ، لس گچین کاری گیشینتگیں وھد ءُ پاس ءِ سر ءَ بنت۔ پنجاپ حکومت گندم ءِ درآمد پرائیویٹ شوبگ ءِ وسیلگ ءَ کنگ لوٹ ائیت۔ الس ءِ سر ءَ بار لڈت نہ کناں۔ ھمے ھاترا اجازت دات نہ کناں۔ بنجاھ ضلورت ءِ رد ءَ گندم درآمد کنگ ءَ انت۔ شمبے روچ ءَ وزیر ءِ کانود اعظم تارڑ ءُ عطا تارڑ ءِ ھمبراھی ءَ پریس کانفرنس ءَ گوں گشتانک دیان ءَ مزن وزیر محمد شہباز شریف ءَ فنانشل ایکشن ٹاسک فورس فیٹف ءِ گرے لسٹ ءَ چہ پاکستا ن ءِ نام ءِ درکپگ ءِ رد ءَ راج ءَ را مبارک دات۔
