لاہور۔22اکتوبر (اے پی پی): مزن وزیر محمد شہباز شریف ءَ گوشت کہ حکومت ءِ شپ ءُ روچ ازمت ءِ نتیجگ ءَ پاکستان یک رند ءِ پد ءَ گرے لسٹ ءَ چہ در کپتگ، آرمی چیف ءِ پوسٹنگ یک کانودی جیڈھ اِت، عمران خان ایشرا سیاسی جوڑ کنگ لوٹ ائیت۔ اسحاق ڈار ءِ وطن واپسی ءَ چہ پد ملک معاشی رد ءَ برجائی ءِ نیمگ ءَ رھادگ انت ءُ ڈالر ءِ رد ءَ کلدار ءِ بستار برجا بوھگ ءَ اَنت۔ مسلم لیگ ن زاہ ء بد ءُ بھتام ءِ سیاست ءِ سر ءَ یکیم نہ دار ائیت۔ الیکشن کمیشن ءِ توشہ خانہ پیسلہ ءَ چہ پد عمران خان یک سرٹیفائیڈ یک بے ایمانیں ءُ دز ءِ سہرا بوتگ۔ اے ھیالانی درشانی آئی ءَ شمبے ءِ روچ ءَ ماڈل ٹاون ءَ پریس کانفرنس ءَ گوں گشتانک دیان ءَ کت۔ اے موہ ءِ سر ءَ مزن وزیر ءِ ھاسیں کمکار عطا تارڈ ءُ بنجاہی وزیر کانود اعظم نذیر تارڈ ھم آئی ءِ ھمبرا ہ ات۔ محمد شہباز شریف ءَ گوشت کہ اللہ پاک ءِ فضل ءُ کرم ءَ چہ پاکستان فنانشل ایکشن ٹاسک فورس فیٹف ءِ گرے لسٹ ءَ در اتکگ ایشی ءَ چہ سرجمیں راج مبارک ءِ لائک انت۔ استیں حکومت ءَ گرے لسٹ ءَ چہ در کپگ ءِ واستہ گیشاں چہ گیش کوشست کتگ اے ھولگ ءَ چہ ھاسیں وزیر ءِ درئی کار بلاول بھٹو زرداری، وزیر ءِ مملکت حنا ربانی کھر ءُ وزارت ءِ درئی کار ءِ سرجمیں ٹیمب ءَ را مبارک بہ بیت ۔ کہ آوانی یکجائی کوشست ءَ چہ جھلی ادارگ آنی باز ارزشتی ایں کرد ءِ بوتگ۔ آئی ءَ گوشت کہ فیٹف ءِ صدر ءَ پاکستان ءِ جوانیں توسیپ کنان ءَ گوشتگ کہ پاکستان ءَ 35 شرط ءِ پد ءَ جوانیں پد ءُ رندی ءَ کتگ۔ آئی ءَ گوشت کہ عمران خان ءَ مدام بھتام ءُ دروگ ءِ سیاست کتگ ءُ گوستگیں آدینگ ءِ رو چ ءَ ملکی تاریخ ءَ وش بھتی سہرا بوتگ ءُ الیکشن کمیشن ءَ توشہ خانہ پیسلہ ءَ عمران خان ءَ را بے ایمان ، دروگ بند ءُ دز سہرا کتگ۔ آئی ءَ گوشت کہ اے دگنیا انچیں جاہ ات کہ ادا ارچی کنے آئی برورد ترا رسئیت، مارا اے وھد ءَ اللہ پاک ءَ چہ ترسگ لوٹ ائیت ءُ وتی نیت ءَ را ساپ کنگ ءُ ملکی دیمروئی ءِ وساتہ وتی کرد ءَ را پیلو کنگ لوٹ ائیت۔
