اسلام آباد۔21اکتوبر (اے پی پی): دری کارانی پڑءِ ملکی وزیر حنا ربانی کھر ءَ پیرسءَ فرانس پاکستان بزنس کونسل ءِ صدر تھیری فلیملنءُ منیجنگ ڈائریکٹر ویوا ٹیک فرانکوس بیتوزیٹ ءَ گوں گندء ُنند کتگء ُ پیرس سکول آف انٹرنیشنل افیئرز، سائنسز پو یونیورسٹی ءَ تران کتگ، آئی ءَ ایسوسی ایشن آف گرینڈز ایکولس ء ُ کیمپس فرانس ءِ یک ڈلے ءَ گوں ہم گندء ُنند کتگ۔ پیرس ءَ پاکستان ءِ سفارت خانہ ءَ چہ جاری بیان ءِ ردءَ ملکی وزیر ءِ تھیری فلیملن جو ٹوٹل گلوبل سروسز ءِ سی ای او ہم اَست ایں ، آئی ءَ گوں ھیال ء ُ لیکہ ءِ درشانی کنگ بوتگ۔ حنا ربانی کھر ءَ فرانکوس بیتوزیٹ ءِ گوما گندء ُنند ءِ تہا دوئیں ملک آنی اسٹارٹ اپ سیکٹرز ءِ نیام ءَ نزیکی ءَ را گیش کنگ ءُ آیوکیں سال ءِ ویوا ٹیک ایونٹ ءِ تہا پاکستان ءِ ہوار بوہگءِ سرء ھیال ءُ لیکہءِ درشانی کتگ۔دری کارانی پڑءِ ملکی وزیر ءَ پیرس سکول آف انٹرنیشنل افیئرز، سائنسز پو یونیورسٹی ءِ نودربرآں گوں ” پاکستان ء ُ دیما آیوکیں ورلڈ آرڈر” ءِ سرھال ءِ سرءَ گپ ء ُتران کتگ کہ آئی ءَ پد جستء ُ پُرس ءِ سیشن بوتگ۔ آئی ءَ یونیورسٹی ءِ فیکلٹی ءِ گوما وانگء ُ زانگی کمک ءِ سرءَ ہم ھیال ء ُ لیکہ ءِ درشانی کتگ۔ کیمپس فرانس ء ُکانفرنس آف گرینڈے ایکولز ءِ نمائدگانی گوما گندء ُ نندءِ تہا ملکی وزیر ء َ پاکستان ء ُ فرانس ءِ نیام ءَ مزنیں تعلیم ءِ پڑءَ ادارہ جاتی نزیکیاناں ترندء ُ محکم کنگءِ رھبندا نی سرءَ ھیال ء ُ لیکہ ءِ درشانی کتگ۔
