اسلام آباد۔ 21 اکتوبر (اے پی پی) الیکشن کمیشن توشہ خانہ ریفرنس اٹی مسکوہی وزیراعظم و تحریک انصاف نا سروک عمران خان ءِ نابود گوندا۔ جمعہ نادے آ الیکشن کمیشن نا کنڈآن توشہ خانہ ریفرنس آ ڈک کروک فیصلہ ءِ بنفسا پارے کہ عمران خان الیکشن کمیشن اٹی جمع کرفوک آ گوشوارہ غاتیٹی غلط معلومداری تس۔ پنچ باسکی بنچ انا امنائی فیصلہ ٹی پاننگاکہ عمران خان کرپٹ پریکٹسز نا اونا برخلاف کانودی کارروائی کننگے۔ عمران خان نا قومی اسمبلی نا رکنیت ءِ ہم چٹفنگا ۔ یات سلے کہ عمران خان نا برخلاف مسلم لیگ (ن) نا باسک بیرسٹر محسن شاہنواز رانجھا، علی گوہر خان، سعد وسیم شیخ، صلاح الدین ایوبی، سید رفیع اللہ آغا، آغاحسن بلوچ نا کنڈآن آرٹیکل 63 نا رداٹ اونا نابودی نا ریفرنس ءِ دائر کننگاسس ہراڑا کمیشن نا پنچ باسکی بنچ سماعت ءِ کرسا فیصلہ ءِ ڈک کریسس ہرادے جمعہ نا دےآ بنفنگا، ممبر پنجاب بابر حسن بھروانہ طب انا ناسازی نا سوب آن فیصلہ نا وخت آ ساڑی اَلوکہ۔
